Gam Vangla A Setan Khuamial

Gam vangla a Setan khuamial nua' teengte,
Mi sang zatam tangtawn a mang mai ding;
Kuahiam kuan ding, hotdam thu gen ding in,
Haksa mahleh zong Jesu muangzaw ding?

“Ka kiang vangletna teng piak hi, (2)
Gam teng ah kuankhia unla,
Tangthupha gen un;
Ngai un, K'on ompih gige hi.”

En un, leitung teng sepna dia kong kihong,
Khrist' sepaihte aw, tua ah lut meng un;
Khristiante aw, thou in hatna gawmkhawm un,
Khelhna khau suut di'n Gospel thu gen un.

Bang dia si ding? chi'n Pathian' aw'n hon sam hi,
Bang dia si ding? chi'n A min hong gingkik;
Sihna lauhuai' pan hondam di'n Jesu si,
Hinna leh hotdamna thu va gen un.

Mi namchihta'n, Pathian thupi hen, chia,
Vualzou a la a sak chiang un nuam un;
Tatte'n hotdamna kipahpi'n kikou un,
Halleluiah, Toupa kumpi hi, chi'n.