Muanna Nuam Lunggulh In

Muanna nuam lunggulh in,
Ginna hatsem delh in,
Aw, na lungsim teng in na ngen hi;
Hizong khawlna mulou,
Nopna mulou hial ding;
Na bangkim Amah na piak mateng.

Aw, na bangkim Toupa kiang' na pia vekta hiam?
A Kha'n na lungtang nei vek hiam?
Na sapum leh na kha,
Na bangkim na piak chiang',
Na nei ding muanna, khawlna, nopna.

Muang leh lungkim gige,
Toupa mah toh ton in;
A thu vak a pai na utkei maw?
A deihlam na bawl kul,
Gilou pan suahtakna'ng,
Na bangkim Amah na piak kul hi.

A vualzawlna deih in,
Vualzawlna hoih penpen,
Sun leh zan A kiang ah i ngen hi;
Aw, i bangkim pia a,
Ama’n hon neih vek ma'n,
Aw tuate bangchi'n hon pia ding hiam?

Itna hon piak dingleh,
Hon lungnopsak dingdan,
Aw, kuata'n gen thei in, gen seng ding?
Amah toh kikholhna,
A khebul ah mu ni,
I bangkim Amah i piak vek chiang'.