Na Mangtutphah Leh Na Manglukhu

Na mangtutphah leh Na manglukhu N’on nusia,
Leitung a kei dia N’ong pailai in;
Hizong Bethlehem innsung ah mun awnglou,
Nang misiangthou N’ong pianna ding'.

Hong luah in aw, Jesu, ka lung,
Nang di'n ka lungsung ah mun om;
Hong luah in aw, Jesu, ka lungsung!
Nang di'n ka lungsung ah mun om.

Angelte lasak in vanmun thupi thawn e,
Na mang’ thupiakte a phuanlai un;
Hizong Toupa aw, mun niampen ah N’ong piang,
Kingaihneuna niam penpen in.

Sihalte'n bukna nei, vasate'n zong bu nei,
Nuai simlei a singlim liap lak ah;
Hi zong Nang, Pathian' Tapa, zalna gankuang,
Galili ah gam daidam ah.

Hinna thu toh hong pai chia, Toupa Pathian aw,
Na mite dia salsuahna bawl in;
Hi zong simmoh in om chia, linglukhu toh,
Kalvari ah Nang hon pi uh.

Hong luah in aw, Jesu, ka lung,
Nangma' khros kia ahi ka suan;
Hong luah in aw, Jesu, ka lungsung!
Nangma' khros kia ahi ka suan.

Thangvan zaila sak chiang' mualchih-gamchih thawn ding,
Vualzou a Nang Na hong pai nawn chiang';
N’on sapna aw za ni’ng e, aw ka Toupa,
Nang di'n ka kiang' mun om hon chi'n.

Ka lung nuam ding, Toupa Jesu,
Hong pai a kei N’ong sap chiang in;
Ka lung nuam ding, Toupa Jesu aw,
Hong pai a kei N’ong sap chiang in.