Khrist Ka Kumpipa Thuchiamte

Khrist ka kumpipa thuchiamte a ding in,
Tangtawn in Amah phatna ging tawntung hen;
Tungnungpen ah thupi hen chi'n la sa ni’ng,
Pathian thuchiamte ah ka ding hi.

Ding in, ding in,
Pathian ka hondampa thuchiamte a ding in,
Ding in, ding in,
Ka Pathian thuchiamte ah ka ding hi.

A zuau thei ngeilou thuchiamte a ding in,
Ginlahna leh launa huih in hon mut chiang;
Pathian thu hing zang in kei ka vualzou ding,
Pathian thuchiamte ah ka ding hi.

Thuchiamte a ding in tu'n ke’n ka mu thei,
Sianna sisan hoihkim kei ding a tua om;
Khrist in A bawl tua suahtakna siksan in,
Pathian thuchiamte ah ka ding hi.

Khrist keimah Toupa thuchiamte a ding in,
Itna khau in Amah toh kei hon kaan den;
Kha namsau zang a nisim a vualzou in,
Pathian thuchiamte ah ka ding hi.

Thuchiamte a ding kei ka puk theikei ding,
Mitphiat kal teng a Kha sapna aw ngai in;
Ka bangkim a bangkim, honpa a khawl in,
Pathian thuchiamte ah ka ding hi.