Aw Hehpihna Khawvel Vakna

Aw, hehpihna khovel vakna,
Kalvari tang sing khros tung ah,
Ka Toupa'n A hon bawl;
Ka ngaihtuah chiang' lamdang lua sa'ng,
Sihna mulkimhuai kei di'n thuak,
A sisan hong luangkhia. (2)

Hehpihna' dim Toupa'n hong thuak,
Lungngaih, mauna, gawtmun apan,
Hong tankhia zouta hi;
Gensiat bei Toupa ziak laukha,
Thangvan tual ah nibang taang in,
Lengkum tawntung ding hi. (2)

Toupa' chitna, hoihna, phatna,
Simthu zaila'n lel theilou hi;
Pahtawi uh thangvan ah,
Toupa, mangtutphah tung a tu,
Serafim-te'n zaila'n pak uh,
E’n leng pak sam ve ni. (2)

I ngaklah ni hong tung pah ding,
I Toupa'n hon pikhawmna ding;
Toupa' mel mu ta ni’ng,
Khensa vualngaih u-le-nau mu'n
Tangtawn khopi tual ah leng ni’ng,
Lawp ve’ng lailung zuang ve’ng. (2)

Khovel tawp chiang thangvan tual ah,
A tatsa teng kikhawm ding hi;
Nunnuam sawlbang hei ding,
Tua ah lungkham, buai, kahnate,
Sih, kikhen luankhi nul omlou,
Nuam in kumvei ta ni. (2)