VUALZAWLNA KA TAN VANG IN
La Phuaktu : T. Pumkhothang
Key F
Nunlui liamsa ka gel zel a
Ka phawk kikzel tualniam ka hinkhua
Ka phulel in hon pi le chin
Ka tangzou diam ka tu dinmun?
Sakkik:
Kipahna genseng louh ka nei
Toupa Na vualzawlna ka tan vang in aw
A omlai ding ka kipahna
Ka tan laiding vualzawlna omte ah.
Van daitui in na hon luan a
Ka Na ah lei vualzawlna non pia
Ka neih haichi tangkhat lelzong
A leh za in na pungsak ta.
Na hon pidan a lamdang ngei
Ka hihna bangmah a hilou zong
Mi a simtak hilou mahleng
Na hon pilut mihing lai ah.
Leivui pan in na hon pikhia
Na paal zou in a sang zawsem ah
Simzoh louh vualzawlna mudia
Na hon pizaw a lamdang lua.
