TOUPA HONPI DAN
La Phuaktu : H.P. Runremthang
Key E
Toupa’ honpi dan ka ngaihtuah’n
Theih phaklouhte na hon thei a
Bangmah loute nahon phawk a
Milian lakah nahon simtel sam zaw
Sakkik:
A lamdang ngei nahon pidan
Si lah hilou hing minpu in
Gensiatna leh nuaisiahna kal ah
Genthei banga om a Taksap him neilou in
Lungngaih hun a aw! Hon khamuan in
Ka gentheihna zong Pahna na suaksak zel
A kalin gimthuakna mun ah
A kalin tawldamna mun ah
Kalsuan dan ka theihlouh in zong
Nangman paidan Na hon sinsak thak zel
Tanglai Jakob khualzin bangin
Savuak lelin ka hong pawt a
Tuin zaw aw na vualzawlna
Ka sim zong in Toupa ka sim senglou
A kalin aw ngui vungvung in
Dontu neilou bang lel ka hi
Hizong thununna thuaklou in
Na ta hawmthoh kahi thei diam Toupa?
