Tangthupha Phuanzakna

MISSIONS SUNDAY – CONCEPT NOTE 2025

Lithuklam naih saptuam [Luka 5:4]

"Mangthangte zong a hondam ding in Mihing Tapa a hong pai ahi him hi" [Luka:19:10] . Saptuamte lamtouhna, nungzuihna (discipleship) leh nasepna (ministry) ah, thugousiah toh a khekhap a zuih ding hon nutsiat i Toupa Jesu Khrist. Amah gingta a pom, misiangthoute liangzang ah thu poimoh a hon suan hi. ‘A thupina pahtawina ding a hing ding in’ (Eph 1:12), a thupiak sepsuahna a panlakna in khovel pumpi ah hun tumtuam leh mun tuamtuam ah Missions Sunday chi in kum 100 val bang kum teng in zat in ana omta hi.

Missions nasepna ding mah in January 25, 2004 in EBCC Delhi Biakin pansan in MISSIONS CENTRE, Rev. Dr. Luaichinthang in ana honna kum 20 bang ana chingta. EBC Missions nasepna hatsak a phungvuhna ding in missions fund pe ding mite zong, fund kaikhawm a headquarters a khak, missionary-te hanthawnna ding in lam tuamtuam a panla in headquarter a missions nasepna enkaite toh kithuzak, michih in missions lungsim leh hinkhua a neih theihna ding un kisinsakna etkaina toh TBUC phalna in TBMC in Missions Sunday ana sai zel hi.

Key Messages:
The Great Commission: To reach the unreached:

• “… Khovel tengteng ah pai unla, thilsiam tengteng kiang ah Tanchin Hoih hilh un.” [Marka: 16:15]
• “… Kuan unla, namchih apan nungzuite bawl unla, Pa toh Tapa toh Kha Siangthou min in baptis unla,” [Mathai: 28:19]
• “Na tung uah khamuanna om hen, Pa'n kei hon sawl bang mah in nou ka hon sawl hi.” [Johan:20:21]
• "… Kawlmong pha in leng ka thu theihpihte na hi ding uh," achi hi. [Nasepte:1:8]

Tangthupha pai zelna ding in, Missions Sunday ni in paikhawmte'n thuumna, thilpiak leh biakna tuamtuam in zang uhi. Khat-le-khat kihanthawnna leh kisukhatna in leng kizang hi.

Activities:

• Missionary Speaker : A hun leh nite Toupa adia ana pekhia missionary-te kam mah apat amau' thiltuah leh sepdante apat chouna leh kilamlahna in zat phatuam hi.
• Prayer Stations : Tangthupha pai zelna ding a thuummite huang bawl manpha hi. Mipi thuumkhawmna ah thilpiak leh tha a kuan thei ding tam sem Toupa’n hon piakbeh thei hi.
• Offering & Pledge : Mission nasepna ding tuppen a nei thilpiak leh tup-le-ngim nei ginna thuchiam manpha taktak hiai hun in kisai bik hi.
• Campaign & Announcement : Member chih in i pan vek theihna ding in kitheihsakna leh promote-na thute tualsung saptuam thukizaknate ah puankhiak phatuam ding hi.
• Missions Aid & Charity : Delhi level ah damlou ki-etsakna, missionary kuan leh paite leh panpih ngaihna chi tuamtuam. Delhi khomun leh a kim-le-kiang a missionary-te poimoh huh theihna om hiam chih khodak.

Follow-up:

• Missionary Support: Missionary vakna sumtang leh thuumna a pangtu kibehlap leh kiam hiam chihte statistic ban ah, sum lutna leh pawtna chiangkuangtak a etzui. Petute hasuan ahih lametna toh puankhiak zelna hun bang a om ding ahi.
• Missions Updates & Training : Tu lel a missionary kuankhia i neihzah leh a kuan thei dingte a ding a maban option taklat theih zel phatuam mahmah ding hi. A sem lelte haksatna etkai theih tan a ki-involve in leng thu genlian mahmah ding hi.
• Fellowship in Christ: Thuumna, thilpiak leh khat-le-khat kihanthawntuahna a pai zom zel theihna ding in group neu chikchik hiam leh committee sung mite kimuhkhawmna hun manpha ding hi.

Tanchinhoih Gospel thang sem hen aw!
“ … Mi na muh peuhpeuh uh kitenna ankuang um ding in chial un” [Mt: 22: 9]
“Buh laak ding a tam mahmah a, himahleh a semte a tawm uh, huchi in a buh la ding a sem dingte sawl ding in buh neipa kiang ah ngen un.” [Luka:10:2, Mt 9:38]
“.. Dak unla loute en un, tu mahmah in lak ding in a min ahi.” [Johan:4:35]

AMBSSADOR FOR CHRIST – KHRIST SIK A PALAI [2Corinthians 5:20]