La Phuaktu : T. Pumkhothang
Key C
Toupa Pathian aw na hoihna ka mu
Vualzawlna lampite ah na honpi
Lam-etna khen gam ah na honpi lai
Manpha in thupi lua
Sakkik:
Non vualzawlna simseng a hilou
Na honpidan sutseng a hilou
Kei leh ka inkuan banghiam ka hih uh
Hiai tantana Na honpi
Ahun ahunin Na hoihna hongtung
Koia kipana hongpai ahi hiam
Zion apan in aw Na panpihna
Hongtung ahi zaw hi
Na simthuphate Na hon musaka
Manpha hina e, thupi hina e
Mimawl ading in pilna ahi a
Hon tawisangtu ahi
Na hon khotuah dan thupi hina e
Loubang na khualna kan in asang ngei
Gamkeu leh haksatna ah hilou in
Vualzawlna ah N’onpi
