Key G
Toupa nang omna peuh ah
Ka kha in zong nuamsa hi.
Vul in kunkun kha kun chih omngei lou,
Zing dai nomlai pakpalh bang,
Lung tai etlawm nuih mai in
Nang omna peuh kakha in nuamsa hi.
Sakkik:
Nang omna peuh kakha in nuamsa hi
Sun leh zan a tawntung in,
Kei kha muanna nang nahi.
Toupa nang omna peuhah
Lawmhoih khat nei gige ing,
Nangmah sunglou bukna dang ken neilou
Sunkim ka lunggulhpen nang,
Zan chiang ka zalmang nahi.
Nang omna peuh kakha in nuamsa hi.
Toupa nang omna peuh ah
Lungnop suah takna om hi.
Huatna, enna, kitotna om ngeilou,
Heina peuh a maitaina
Sepna peuha lungkimna
Nang omna peuh kakha in nuamsa hi.
Ka gumpa leh ka Toupa
Ka belh suangpi nang nahi
Nisim hongliah hongdal ka suangpi aw
Chimoh, meigong tagahte
A ding lawmhoih pen nahi.
Nang omna peuh kakha in nuamsa hi.
