Nupa (Couple) Seminar: April 12, 2014- Paidan tangpi

NU-PA SEMINAR, EBC DELHI, DWARKA

(April 12, 2014) First Session

Thugentu: Rev S Vung Minthang, General Secretary, EBC Church

Programme bangin lapitu (Nute Mankhodim, Nianlianmoi, Nemkhanmoi leh Ninglunching) jinglam dak 10:35 apanin phatna leh biak piakna hun nuamtakin honpi uhi. Dak 11:00 hong gin toh kiton in Conductor Nu Nianglianching in programme pulakna leh hunte patna hon nei hi. Huchiin Nupa Seminar Session masa kipan hi.

Pastor Rev Kamzamuan in programme Pathian kianga latna hon nei hi. Tuazohin, Pastor Rev Nenglian Vualnam in keynote address leh Seminar tup leh ngimte pulakna teltakin hon nei hi. Aman agenna ah Inkuan poimohna phawkin, EBC Church Delhi in family focus in kumteng in Saturday khat Biakinn ah kinei jel hi. Huan, heutupa Rev Vung Minthang leh azi Nu Chingkhanvungte tuni programme adia chiala om bang ua hong tel theih man un atung uah kipahthu zong gen hi. Tua zohin Nu Haumuankim, President Dorcas, EBC Church Delhi in member paikhawmte vaidawnna hon nei hi.

Seminar first Session Thupi: Nu-pa kala pasalte mohpuakna leh poimohna.

Rev Vung Minthang in laisiangthou Mathai 7:24-27 simkhiakna leh thumna toh ahun honla hi. Aman hon thugen tangpite hiai anuaia bang ahi:

• Nupa kineihna in tup leh ngim kichiantak nei ahih theih kul moh hi. Midang leng kiteng uh chia zi/pasal neih ding tup khak mok lauh huai hi.
• Nupa kitenna leh mohpuakna theih siamlouh alauh huaidan bomb khuta tawi toh kibang hi. Hiai mohpuakna itheihsiam kei leh inkuan sung leh itate tungah siatna hong tung ding ahi
• Nupa kal mohpuakna leh dinmun poimoh dan suidan tuamtuam (anthropological, psychological etc.) om tham dinga, himahleh tutunga bel spiritual aspect in enleng chi ihi.
• Nupa kal hinkhua pen  practical law mahmah in chin, itheihteng leh genteng phatuam hiloua, izat khiakteng phatuam hilel hi. Huaiziakin pilvan huai mahmah hi.
• Khristian inkuan poimohna laisiangthou, 1 Cor 3:01,13 ah kichian takin muh theih hi.
• US gama, Center for Marriage in family toh kisai findings aneih uh kum 2005 a release uh danin nupa kala hoihtaka khangkhia naupangte, broken family apante sangin siamsinna  lamah lohching thei zaw uhi; huan hiaibang family hoihtaka khang khia ten mimal kimuan ngamna neilian zaw uhi.

Rev S Vung Minthang in Insunga Pate mohpuakna poimoh diak asakte hiai anuai abangin hon gen hi:

1. Pa ahi. Kuaman akhek khiak theihlouh dinmun poimohtak ahi. Pa tuh inkuan sunga thuneitu pen  (power & authority) ahi.  Himahleh, hiai thuneihna pen iphu (deserve) himailou, Pa in aloha aloh khiak (earn) ding ahi.
2. Inkuan sunga dinga Pa tuh muanna leh bitna (symbol of peace &security) ahi.
3. Pa in Inkuana ading muhkholhna(vision) zazaw aneih ngeingei ding ahi.
4. Pa in inkuan sunga heutu/makai hihna leadership role alak ngeingei ding ahi. Thil anen ahama kikum khak vek ahoihkim   keia, huan, nou chih dandan chih khakvek leng leadership taksapna ahi. 

Hiai teng zohin nu-leh-pate mimal mala evaluation kibawlna dingin hiai anuaia reflections point te hon pia hi:

1. Na insung ua Pa role kizang lellel bang ahia?
2. Pa omdan dia deihhuailou nasakte bangbang ahia?
3. Pa in ahih ngeingei dinga hoih nasakte bangbang ahia?“Yes, problems comes and goes, but between me and my wife there is no problem than cannot be solved”- Rev Iben Wati .

Hiai quotation toh Rev Vung Minthang in ahun masa hon zou hi.

Abanah, Nu Dimnu leh Upa Damsomthang, Chairman, EBCC Delhi te makaihin kikup khawmna hun kinei hi. Member paikhawmten dotna hun, pate mohpuakna leh hihlouh dia deihhuai thu tampi kikup khawmna om hi. Hiai huna dotna leh points khenkhatte toh kisai clarifications leh hilhchetna heutupa Vung Minthang leh Pastor Nenglian ten hon nei uhi. Tua zohin, Upa Chinsum in Pathian kianga kipah thugenna leh ankuang latna neia, hiai toh first session dak 2:30pm  vel in kizou hi.

Recorded by: Vungngaihniang