LEM LENG HEN

La Phuaktu : V. Paukhansiam
Key A

Zanlai ganchingte kiang khuavak hong taanga
Ganchingte lau in ling uhi
“Lau kei unla ngai un, tuni’n nou a di’n
Tanchin hoih kipahhuai ko’ng puak,
Tuni’n nou di’n gumpa hong suak”

Sakkik:
Pai unla en un, Bethlehem khua ah
Gankuang a lum na mu ding uh
Tungnungpen ah Pathian thupi henla
Mihingte kiang lemthu leeng heen.

Tuni’n na lungsung ah khuavak hong taang hiam?
Ganchingte bang in nalau hiam?
Lau kei inla ngai in tuni’n ei a di’n
Tanchin hoih kipahhuai hong tung,
Tuni’n ei di’n gumpa hong suak”