Eden Pallun Loubang Tulsa

Eden pallun loubang tulsa thaksak ding',
Khovel hondampa hong piangta e;
Pialgal nun etlawm hong silhsak nawn theihna'n,
Mang tungnungpen in mun niampen A hong teel.

Pahtawi ve ni, lemna mang A hong piang,
A phatna'n simlei, thangvan thawn hen;
Hi bang zah a lungdamhuai kumpi ei ding',
Piang ngeilou, piang ngei nawnlou ding tangtawn in.

Tang a mite'n a muh nop ni lungdamhuai,
Mulou in sang tampi'n mualkhumta;
Mang' lungkim kum hun lungdamhuai hotdamna,
Eite'n i tantuan zaw i hampha ngei e.

Tu ma, tu nung khuavannuai singta lai ah,
Hondampa ding singdang pianglou ding;
Tang a misiangthou Simeon dungsun a,
Mu a lungdampihte hamphapen hi uh.

Lei leh van a sim senglouh zatam lai ah,
A hoih tungnungpen hi hondampa;
Israel-te'n nial a hon paihkhiaksa uh,
Van mang gou, pialgal suangmanpha ka neita.