Chiamsa Mang Immanuel

Chiamsa mang Immanuel,
Adam suante khelh man in;
Van thupi suangmanpha gam nusia'n,
Judia gam, Bethlehem ah,
A pianna'ng mun awnglou zong,
Bethlehem gankuang ah hong zal hi.

Nunnuam in la sa ni,
Hon tanpa hong piangta;
Halleluiah, A min ngaih phat ni,
Leitung ah lem leeng hen;
Namchih mi zata ding;
Ei di'n nuntakna A hon tun hi.

Simlei kumpi tam piangta,
Lei inn nuam thupi sung ah;
En dih, Mang' vontawi pianna bawng-inn,
Aw ka kha, na mang ahi;
Va zong inla, gankuang ah,
A tuun Mari'n nou hiauhiau in pom.

Kumpi Kaisar minkhum lai',
Belamching kiang' angelte,
Toupa' thupina toh hong pai in;
"Lunglau lou in ngaih dih ua,
Tangthupha tuang k'on tun hi;
Hondampa hong piangta e, " chi uh.

Toupa aw, ngailou Na hiam,
Suangmanpha khopi tualnuam?
Tuangnungsia a gankuang a N'ong zal;
"Aw, ngai ing thangvan gamnuam,
Hi zong na mohna hang leh,
Nang itna vang a hong thuak hi'ng e."