Thu Lamdang Ka Gen Chim Theihlouh

Thu lamdang ka gen chim theihlouh,
Kalvari simthu ahi;
Bang ding a Pathian' Ta tangkhat,
Moh nei kei ding a hong sih?

Kalvari mual, Kalvari mual,
Sunkhua, zankhua'n gel chim la'ng.
Kalvari mual, Kalvari mual,
Sunkhua, zankhua'n gel chim la'ng.

Nou van a angel siangthou leh,
Serafim thupite aw;
Sunchin Toupa' nasemte leh
A lungtuak a heite aw;

Kalvari mual, Kalvari mual,
Tanchin hon hilh theilou maw?
Kalvari mual, Kalvari mual,
Tanchin hon hilh theilou maw?

Aw ka kha, tua mual minthang ah,
Sunchin, zanchin va leng in;
Na Toupa sing khros tung a om,
Hing in na va mu ding hi;

Kalvari mual, Kalvari mual,
Tanchin hon na hilh ding hi;
Kalvari mual, Kalvari mual,
Tanchin hon na hilh ding hi.

Sim leh mal, suah leh tum a mi,
A khebul ah hong kuun hen;
Aneu-alian mi tengteng in,
A min phatna la sa hen;

Kalvari ah, Kalvari ah,
Amau dia A thuaktaak ziak.'
Kalvari ah, Kalvari ah,
Amau dia A thuaktaak ziak.'