Khovel Khial A Mangthangsa

Khovel khial a mangthangsa tankhia ding in,
Pathian in A Tapa neihsun hon pia hi;
A tatsa khial a mangte'n, hinna lam hon theihna'ng un,
Thilpiak a nna sem ding in Toupa'n hon sam.

Pia unla, hileh piak na hi ding uh,
Piak in Pathian na khupzou theilou ding;
Pathian in mihing lei a ba ngeilou,
Vualzawlna nak hong hizaw hi.

Gingtute aw, thupiak khauhtak mai i nei,
“Kuan unla, tangthupha va hilh un,” A chi;
A kuankhia theiloute'n zong mohpuakna lianpi i nei,
Thilpiak a nna sem ding in Toupa'n hon sam.

Gingtute aw, koilai' gou na kholkhawm ua?
Laukha bawm a na kholkhawmleh a bit ding;
Ginna a na piak ding pen Toupa'n A ngak gige hi,
“Bangzahta'n n’on muangngam na ding hiam,” A chi.

Ka na zata Toupa, malbang N’on kouhna,
Khristian tengteng Missionari di'n N’ong sam;
K’ong kipia, ka neih teng leh ka pumpi, ka hinna toh;
Nang' a hi'ng sisan a N’ong lei khit man in.