Kipahna Tuipi Bang in Lian

Kipahna tuipi bang in lian,
Aw, Khamuanpa hong tungta;
Tu'n i kiang ah A om gige,
Amah muangte sung ah teeng.

Lailung muanna nuam,
Lungsung khawlna nuam,
Ka kha a kitheihna nuam;
Tuipi lauhuai ah Jesu'n hon houpih,
Lauhuai tui kihawt a daai.

Hinna leh kipahna ngen hi,
Zinpa vanglian omna peuh;
Ginlahna leh dahna hawlmang,
A thu man lel a khawlna.

Van a vuahtui hong kia bang in,
Van a nisa hong taang bang';
Tua bang in Kha Siangthou piak hi,
Van apan A hong tung hi.

En in, gahsuah ding' a khangta,
Gahna hoih, dikna a gah;
Hinna tui tu in a luangta,
Keuna gamdai ka kha ah.

Aw a lamdang, hiai hotdamna,
Tanpa' mel lungdamhuai muh!
Teenna nuam hi, teenna galmuang,
Tawlngakna nuam, khawlna nuam.