Kanan Zuan I Pai

Kanan zuan i pai, puanlap khai a la sa'n,
Gilou dou ding a kipia sepaih i hi;
Hizong galdou lai kikhen i omlouhna'ng,
Toupa' lam pang kuakua chiin kidong hang.

Aw i lak uah kua ahiam, thutak a muanhuai,
Thutak gum a dingh ding, Toupa lam a pang?
Aw i lak uah kua ahiam, thutak a muanhuai,
Thutak gum a dingh ding, Toupa lam a pang?

Temsau leh galvante te solsol thei hi,
Setan zong vak sawltak bang kibawl thei hi;
Hizong lungtang ah muanhuailouhna om thei,
“Toupa lam pang ka hi,” kam in a chih hang'.

I lak uah kuahiam vaihawmna nuai a om,
Pathian zahngaihna ngaihdamna neilou lai;
Lungtang kisathei niamkhiak in hon la in,
Toupa'n hon ngaklai in Amah lam zuan meng'.

Dahna, natna leh bawlsiatna khawksa ke’n,
I thuum a khawisatna la suak pah ding hi;
I zuih muanhuai ei hon pipa’ Khros pua in,
Vualzou i kikou ding; Toupa' lam pang hang.