Hichi Maimah Hi'ng

Hichi maimah hi'ng suan ding bei,
Hizong kei ding' Na sisan pawt;
Nang kei Na kiang ah N’on sam a,
Pathian' belam nou aw, k’on zuan!

Hichi maimah, ka khelh nitna,
Khat zong paihmang ding ngaklou in,
Nitna teng sisan a sawp thei,
Pathian' belam nou aw, k’on zuan!

Hichi maimah, lungbuai, muanglah,
Sung leh pua ah kisual leh lau,
Hi bang teng toh kidim mahle’ng,
Pathian' belam nou aw, k’on zuan!

Hichi maimah hi'ng, zawng, mitdel,
Lungsim damna, hauhna, muhna,
Hi, ka deih teng Nang ah mu ding;
Pathian' belam nou aw, k’on zuan!

Hichi maimah hi'ng, hon pom in,
Hon pak, ngaidam, siangsak, panpi'n;
Na thuchiamte ka gin ziak in,
Pathian' belam nou aw, k’on zuan!

Hichi mai hi'ng, phawklouh itna'n
Dalna teng hihgawp vekta hi;
Tu'n Nang' a hi ding, Nang’ a kia;
Pathian belam nou aw, k’on zuan!