Nazareth Jesu Koi A Pai Ding

Nazareth Jesu koi a pai ding na hi hiam?
Lenna vangkhua tualnuam peel gamdai gam manoh in,
Sual tate Na itna vang in khros pokawm in,
Kulhpua gamdaidam a leenna mun nusia mai ding maw?

Aw, kap in ka mau zel a, hizong tawp simthu leel in a omlou,
Melmate'n pi zel uh, gamdaidam lam zuan in,
Aw, Nazareth Jesu koi a pai ding na hiam?

Lalna vangkhuapi tualnuam a sawlbang heina,
Khovel nunnop paal zou mangthangte honkhia ding in,
Pa’ angsung nuam pel a mangthangte zong ding in,
Ka kipia ding hotdamna'n Na chi maw ka mang Jesu?

Aw a mualkhum dekta maw khovel sual tanpa,
Bah in puk zel mahleh tawp simthu A leel theilou;
A hon it ziak in maw, en in mualkhum dekta,
Kap in ka mau zel a, hizong tawp vual A hilou hi.

Nazareth Jesu koi a pai ding Na hi hiam?
Mipi pungkhawmte in na tung ah khros hon nga uh,
Hizong Toupa Jesu kei di’n damna Na hi,
Na gam Na tun chiang in hon theigige in, ka Toupa.

Aw mu nuam ve’ng namchih damna Kalvari tang,
Hangsan tuaidawng lili pak van mang’ ta phamna mun,
Kha Siang hong leeng aw halleluiah chi'n lem ni,
I tangtawn van khopi kongkhak Kalvari i awi ding.