A Thu Vak A Pai In

A thu vak a pai in,
Toupa toh ton lehang,
I lampi thupina'n hong taangsak;
A deihlam i bawl chiang',
I kiang ah teng gige;
Amah muang, A thumangte kiang ah.

Muang in, mang in;
Jesu a pahna ding,
Lampi dang omlou hial hi,
Muan leh thuman louh ngal.

Mialna in zoulou ding,
Van ah lummei kai zong,
Amah bang in daibang thengsak zou;
Ginlelh lauhthawngna'h zong,
Lungkham luankhi nulna,
A thu muang in mang le’ng paisuak ding.

Puakgik i puakte zong,
Dahna i tante zong,
I sepgim zong hon ditlouh omlou;
Lungkhamna manna zong,
Maigum leh khros gik puak,
Muang in A thumang le’ng vualzohna.

A nasep kipahna,
I theichian ngeilou ding,
I bangkim maitam a i piak ma'n;
Deihsakna A piakte,
Kipahna A piakte,
Muang a A thumangte a ding hi.

Kithuahna nuamtak in,
A khebul ah tu ni;
Amah toh ton in lampai ni hang;
A gen peuh i sem dia,
Hon sawlna' i kuan dia,
Laulou in muang in A thu mang ni.