JEHOVAH PATHIAN

La Phuaktu : Lianding Guite
Key D

Ka hinna hon bawlhoih sakzel ka Toupa
Non itna thupiin aw a lamdang lua
Hoihna leh chitna ka neihlouh zongin
Aw na hoihna ka tungah honglang

Sakkik:
Jehova Pathian na min ka pahtawi hi
N’on itna leh n’on khotuahna aw atul ngeilou
Kei bangleltak adi’n thupilua sa ing
A manpha Khris vangin Halleluiah!!

Na hoihna chitnate in kei n’on tuama
A vuak kahih zongin na itna’n n’on dimzel
Hon heisan ngeingei ken aw ka Toupa
Nang tellouin bangmah ka hilou

Hon theisiamsak zelin na lemgel dante
Ka mihing pilna in aw a sui zoulou
Nang theihlouh a katuah khatzong omlou
Vanglian Pathian aw muanhuai nahi