India malsuah, Manipur a thu-um (saptuam) pawlpi omte biak kikhopna paidan 'sunpolh biakna kikhop' ci le'ng khial lawmlawm lou di hihang. Sande skul kaithei tungte apan kum 18 cin tan uh naupang
sande skul ah ki-om a, kum 18 tunglam hitate bel picing kikhop ah kaikhawm damdam, kumdan a kikepna cih le om thei taktak nailou abang. Hiai pen ahi, sunpolh biakna kikhop I cih. EBCC Delhi in I phut khak lellel biakna hunseh (11am & 3pm), gamgi khen (suahlam & tumlam), huan, Pastor 2 te hon kepna 'system' (biakna kikhop nihte a kizangtuah uh), tuhun a TOUPA hon pina ahi ci in kipahthu Amah tung ah I puak hi. Ordained Upate laka khat in, “Saptuam nasepna leh ki-etkolna in naupang leh tuailai lak a nasepna a ngim pipen diing ahi. Amaute lak a nasepna I lawhsap leh mundang ah lawhching mah lehang ei innkuan sung mah a midangte' missionary field diing lel bawlkhia suak diing I hi” ci giugeu. Ngaihsuttham I sa hiam, unau?
A tunga Upa ' thugen in hon ngaihsut sak bel, EBC pawlpi in kum 68 khawng sunpolh biakna kikhop I zuih nung ua, TOUPA'N honpi sawm dan (age group focus) om adia'm? Rev Dr JM Paupu in Washington DC, 3rd Annual Zomi Christian Ministers' Fellowship Conference, 2013 a Issues Faced by the Church Today cih thulu pansan a a genna ah: En, Kha Siangthou zong, “Naa n'ong sep di leh hiciang ah hong seem inla, hiciang paw-lam ah hong seem ke'n” cih kinei mawk eive! Kei nopsak ciang a hong seem di'a Kha (Spirit), kei uk (dominate) theih hilou hi, ci. Aban a genna ah, kei lawm hoih mahmah Anglican pastor 1 in bang hong gen hiam? Nipini sim in service 3 nei ing. Tuate -
7.30AM Kikhop
- Kum tamta, upa lamte kikhopna hi
- Mi 79 kikhawm, punglou, kiamlam nawt!
- Queen Elizabeth kammalte ciik takin kizang
- Thugen, a gelh simthawh; Laa, a kumluite sa
- Thilpiak latna, thumna cihte sim thawh mah
10.30AM Kikhop
-Nupi la, papi la te kikhopna hi
- Labu a laa (hymn)te sa dapdap
02.30PM Kikhop
- Tuailai, sisan hatlaite biakna kikhop hi
- Ka puantual (pastor gown) suahta ing
- Jean pant teeng in, T-shirt silh lai ing
- Music te le, lu suk ngaungau theihnate
- Kikhawm milip hoih in, khang hat pen!
Upa I gen (quote) in hiai ci lai - “Saptuam as organisation in khang hen I cih leh saptuam kiphuhbeh ni, hilele, saptuam member te as individual in khalam ah khang hen I cih leh age group khawng a kikhen a biakna neih zawk ding ahi. Tua hileh, focus tak a thugen a, contemporary problem omte address kha diing a gen di hang a, mimal chih in khanpih zaw diing I hi.” OK. Kum 18 pelta picingte'n le, ei kum zah leh hinkhua a I phut khak uh tawh kisai mawhpuakna, puakgik leh awlmawh nei ciat I hi ua, tuate Bible tawh kituak a thoih (address)na di'a, sunpolh biakna kikhop apan age-group hun phatouta I mai di uam? Hon theisak in aw TOUPA, Khawvel ka len sung in… Jesu lianpen gige hen!
