MIN NGAIHPEN
La Phuaktu : T. Pumkhothang
Key F
Sakmin ngaih a hawmsiampen Vanglian tung Pathian,
Simlei tung leh thangvan ah min ngaihpen nahi;
Koute dia ahoih tawntung limbelh tung Pathian,
Min ngaihpen a Vanglian Nang na hi
Sakkik:
Min ngaihpen a Vanglian pen Toupa hong phat ung
Koute dia ka Pathian uh thupipen Na hi
Khang suangpi abei ngeilou Toupa Nang na hi
Sutseng louh Na min ngaih hi na e
Damloute misite zong damsak thei Na hi
Guhkeute adia hinna piatheipa Na hi
Thilbangkim na bawlthei a bangkim Nang Na hi
Thupipen a Vanglian hong phat ung
Na hoihna ahong lang zel Na mite a di’n
Nisima ka taksap uh hongpia zel Pathian
Khattang hon nusia ngeilou hon ompih Na hi
Nang it banga hon it omlou e
