EBCC DELHI
DEPARTMENTAL JOINT FELLOWSHIP 2VEI NA (2014)
Amun : Biakinn
Ani : December 6, 2014 (Kiginni).
Ahun : 10.30 AM – 2.00 PM.
Piitu : Pastor Nenglian
Gelhlut : Upa Thiankhanmuan, Secy., MC
Lapiite : Upa Chinsum, Upa Khamkhanpau, L/Upa Khamchin, Pa H.Zabiak, Pa Mungte Hauzel, Tg.Paukhanthang, Nu Nemkhanmawi, Nu Ruati.
La kisa te:1) “Hon makaih Toupa…….”
2) “Pathian itna aw lian in sang…….”
3) “Nang na omna nuam…….”
Lapiite’ makaihna a Pathian biakna & phatnala te sakna neih ahih zoh in paikhawmte’n Pathian kiang a kipiakkhiakna leh panpih ngetna thumkhawmna hun kizang hi.
Tua zoh in patna bawl dia seh a om Upa Damsawmthang, Chairman, TBSUC in thil peuhmah a mahni hihtheihna sang a Pathian’ hatna muang a huai a kingak zawk ding ahihdan gen in paikhawmte vaidawnna nei hi.
Tua khit in Pastor in paikhawmte minlamna nei a, chiamtehtheih dan in hiai bang ahi:-
Department Present
TBSUC 14 out of 22 (+ kingen 2)
TBMC 3 out of 15
TBDF 5 out of 15 (+ kingen 4)
TBYF 4 out of 15 (+ kingen 8)
TBCD 6 out of 18 (+ kingen 4)
_________________________________
Total 32(+18) 85
Pastor in committee tuamtuam te tuhun tan a tukum sung nasepnate report bawl dia a chial dungzui a report hon bawl theih uh hiai anuai a bang ahi:-
1. TBSUC- (Upa Kam Suanthang, Secretary):
Sepkhiak dia Ministry Year Plan a kiguangte tampitak department tuamtuam te tungtawn a sepkhiak hi a, huai te genlouh year plan a kiguang hikhollou sepkhiak om khenkhat te kon puang zaw di-
i) Centenary Hall a zat di lectern headquarter in hon nget bang a ki bawlsak a kithontung ta.
ii) Office Assistant lakna di toh kisai a Recruitment Rules (RR) bawl zou ta.
iii) Evan.Khaikhuphang, Pastor Assistant khaakna leh kithuahpihna a Rs.10,000 + kipahpihna lai pia.
iv) North-East Choral Competition a tel nawn; prize lazoulou.
v) Centenary Hall lamna dia Rs.10,000 thon.
vi) Pastor Prayer Fellowship-Delhi saina a One-Day Joint Fellowship neihna hoihtak a uap.
vii) EBC pumpi dakkal 96 sung tatsatlou a thumna sung a ei saptuam in dakkal 3 itan khakhoihtak a semkhia.
viii) GBC compound daai (fencing) bawlna dia ngetna hongpai dungzui a Rs.20,000 thoh.
ix) Biakinn a power supply 8kw apan 20kw a upgrade sak.
x) Moonlight Ministry toh Memorandum of Understanding (MoU) sign dungzui a kha khat a Rs.8000 (approx.) a panpih.
xi) Upa ordain di 3 zontheihna phalna piak a om dungzui a zonna lohching(L/Upa Goukhangin, L/Upa Ngulminthang & L/Upa Thangkhosiam).
xii) Khateng a Nipini masapen a anngawl thumna nei tou zel.
xiii) Personal Evangelism toh kisai a laibunou khat bawlkhia.
xiv) Thununna nuai a koih a om nupa 9 lak a bangzahhiam in kisik a kingetna abawl dungzui ua thununna phelsak.
Maban a sepkhiak dia tup te:
i) Kumthak (2015) apan Nipini a kikhopna 2(nih) vei neihtheih tup leh kinep.
ii) Tua toh kiton a St.Luke Church te tukum tawp tan hun kipia.
iii) Tua bang mah a nitaklam a basement a kikhawm te leng tukum November tan hun kipia.
2. TBCD – (Upa Thianzakham, Superintendent):
a) Ministry Year Plan a kiguang naupangte’ lak a hotdamna chialpi neih ding kichi Pastor makaih a lohchingtak a ki semkhia.
b) BCD Outing program DDA ground, Vasant Kunj a nuamtak a nei.
c) Naupang a kipan piching kaitou (graduate) tukum a 9(kua) om.
d) Naupang Sunday School neihdan ah Beginnerte leh Primary te atunglam a class neihpih; adang teng basement ah.
e) Projector, whiteboard, tutna,etc te Saptuamte’ deihsakna ziak a neih beh.
f) Lunggulh khenkhat:-
i) Naupangte (adiak a Beginner & Primary) sinsakna a panpihtu dia phatuam di DVD-cum-Projector deihhuai sa (Estimated cost: Rs.25,000).
ii)Sound system (Estimated cost: Rs.37,555)
iii)Basement wall whitewashing/colouring bawl di lunggulhhuai sa.
iv)Asstt.Pastor piak a iom uh lam-et huai ahihna ah huai dia hong pai kha penpen
Naupang Sunday Skul a Superintendent a I hi henla devotion hun manpha zawsem in honpi leh.
Heutute’n naupang lam adi thil tampi sum tampi bei in non leisak man un ka kipak petmah uhi.
Naupang Sunday Skul toh kisai a thukup nei khenkhat:
Pa Nicky Tonsing – Visual aid phatuam salua-khat lunggulhhuai lai sa.
Tg.Paukhanthang Buansing – Nu leh pa te’ kithuahpihna nasa zawsem lam-en; naupangte’
subject saang mahmah; heutute zahtakna lam a vaat zek pawl om.
3. TBYF – (Tg.Tunkhanmuan, Secretary):
i) Area fellowship hoihtak a nei thei.
ii) BCD apan graduate-te kikhoppihna nei.
iii) Cluster fellowship te leng tup bang a 3(thum) vei nei.
iv) Area joint fellowship leng 1(khat) vei nei.
v) Choral fellowship le 1(khat) vei manphatak a nei – sutzop dia hoih sa.
vi) Thu-up (doctrine) kisinsakna Pastor leh upate’ tungtawn a 3(thum) vei nei.
vii) Missionary te greeting card khak.
viii)Youth Summer Retreat – YMCA Camp, Sattal a va zang.
ix) Tuailai melthak (40vel) vaidawnna program nei.
x) ‘Tuailaite Ni’ manphatak a zang.
xi) Tuailai lapawl zilna leh sakkhiakna bangzah vei hiam manphatak a nei ta.
xii) Project Nehemia (a kum gukna) EBCC Central Delhi toh pangkhawm a sunzom tou.
xiii)Tukum nipikhawl sung a tuailai 5(nga) Zodawn skul khenkhat a manphatak a va kizang uh.
xiv)Infrastructure lam pibawl hoih sa – Director(Institutions) in hon lemsak dandan a sepkhiak tum – tua nuai a Jiribam Convention School Rs.30,000 a huh pha sa; Book Bank bawl hoih
xv) Calender (2015) bawl – zuak lel.
xvi)Christmas Carol program Select Citywalk, Saket a nei dia kisa.
xv) Midnight Service program (31st December, 2014 – 1st January, 2015) sai dia I a om bang a
xvi)Kipahpihna – tukum sung a tuailai Bible simsuak te, piching nipi skul exam a honours mark mute leh saptuam dan siangthou a koppih nei te kipahpihna bawl di.
xvii)Lunggulh – basement a sound system tua sang a hoih zaw neih lunggulh huai.
Pastor apan dotna: Tukum activity hiai zah I neih na uapan tuailaite’n a huauhuau kipahpih uhia, ahihkeileh Pathian lunggulhna taktak nei uh hia, chih kaal bang ngaihdan inei?
Dawnna: i) Thangzasiam Paite, Chairman, TBYF- Kei muhdan in thil kisai tuamtuamte ah tuailai te’n Pathian itna leh lunggulhna taktak nei a kihel hi masa un ka thei, a huauhuau sang in.
ii)Upa Khamgoupau – Tuma a Mohammadpur-Safdarjang Prayer Cell chialpi program neih hun ah tuailai te tamlouchik hong kilang lel ua, lunggulhna taktak om khollou pi kisai kha ade aw chihsim in a om.
4. TBDF – (Nu Haumuankim, President):
a) Bial tuamtuam a kikhen ten Joint Fellowship 1vei neita; a 2vei na di December 13 adia ngiim.
b) Damlou vehna 15vei neita.
c) Unaupa Thangsonlian’ luang puantuamna nei.
d) Karbi Anglong Field van a panpihna pia.
e) DORCED Project bituk Rs.25,000 su buching ta.
f) GBC a Group Patron a pang.
g) Evan.Khaikhuphang, Pastor Assistant Rs.3000 a kha.
h) Dorcas Khawmpilian 40vei na Centenary Hall a kizang ah member 6 va hoh.
i) India Baptist Women Union (IBWU) Khawmpi, Hyderabad a member 2 va hoh.
j) EBCC Central Delhi Dorcas ten Heutunu Dimzangai’ makaih a seminar aneihna ua at el.
Lunggulh: a) Numei camp lunggulhhuai sa.
b)Activity tuamtuam ah a telkha tamlou te (eg. tuailaite bang) kaihlut theih dan lampi omlou di adiam chih kikup tuak sa.
c) Department tuamtuam te kaal ah communication tua sang in fel zaw thei leh; kithuzak tuahna fellouh ziak a thil nawngkai simsim tuah khak theih hun om zel.
Thukup/Suggestion by Pastor: Hichibang thil tuahkhak zel te toh kisai in a concerned department in a plan/program te uh neukha advance zaw deuh in bawl thei zel in Pastor leh Local Secretary bang inform/coopted thei zel le uh navakhuai mahmah din gintakhuai.
5. TBMC – (Pa Dongkhansiam Thomte, Secretary)
i) ‘Missionary Day’ May 2 a kizang.
ii) Nepal Mission Field va veh (June 4-11).
iii) ‘Mission Sunday’ November 9 a kizang.
iv) Missionary vaakna headquarter apan bituk Rs.4.5 lakh lak a Rs.4.8 lakh mukhe ta (atamzaw).
Clarification by Pastor: ‘Missionary Day’ program pen headquarter in a bawl ahi a, hiai hun ah EBC Hq tungtawn a misisons nasepna kisukthathohna leh missionary vakna adia chialpina hun a zat ding ahi; ‘Mission Sunday’ program pen ei local saptuam in North India a mission nasepna sukhatna dia panlakna a ibawl zel ahi.
Thu kikupkhawmna hun:
Thupi(Topic) – “Ei ki involve na mun (department) a haksa isakte leh hih/sutzop tuak isak te”.
i) Upa Damsawmthang:
a) Kumthak budget a kibawl ma in department tuamtuam ten i lunggulh leh project ut te Local ah theisak pahpah thei le.
b) Local Pastor/Departmental Advisor zang tawmlua deuh hilou idiam ka chi nuam. Meeting minutes kia piak sang in meeting neih ma in amah brief khawl thei zomah leng.
c) TBMC in tualsung fund aneih theih uh hoih leh kilawm, huai ding in proposal bang hon bawl thei le uh.
ii)L/Upa Ngulminthang:
a)Departmental Joint Fellowship manpha sa, mohpuakna nei tuamtuam te kichimatna thukzaw piansakna mun leh hun ahihman in.
b)Lunggulhhuai sak mahmah khat tuh ei hihtheihna leh hatna sang in Toupa’ hatna ah naksem in ki pelut thak (rededicate) zaw leng Aman manpha zaw sem in hon zang din ka gingta tinten hi.
iii)Nu Haumuankim:
a) Eite saptuam vaisaina a madawk zaw deuh dia teel leh seh a om te’n maban a ingaihtuah leh lungput dia deihhuai tuh i ‘puan-in’ kaihpalh didan naksem a ngaihsut deihhuai kasa hi.
iv)L/Upa Khamchin:
a) Naupang Sande Skul sinsakna toh kisai in – eimah pau a la & thu te nakpi petmah a pibawl zawksem deihhuai kasa.
b) Tuailai lampang ah-la/lapawl lam a masawn sem na din motivation hahbawl din deihhuai, eg. music leh vocal training a siamzaw te lak a va laak, chih bang.
c) Dorcas vai ah- nasep hoih, eg. damlou veh leh haksa zawdeuh te kithuahpihna nasa zawsem leh fel zawsem a ahihtouh zel uh deihhuai
d) Missions lam ah- motivational activities lam hon uangbawl sem le uh
v) Upa Khamgoupau:
a) EBC Central Choir te kumnawn a hong hoh theih na di uh lampi bawlsak thei le hoihlou di adiam?
b) Upa bial tuamtuam ah hotdamna chialpina hunthak a neihtheih dan geel dia hoih sa.
c) Khamtheih sal a taang sanggamte zonkhiak theih dan lampi geel kul
Concluding remarks by Pastor: Pathian ompihna ziak in lunggulh tampi sepkhiak a om ahi chih imu a, kipahhuai isa mahmah hi. Tua ahih kawm in lunggulhhuai tampi omlai a, kalsuanna ding leng saupi nei ihi chih imuthei hi. Huaiziakin Pathian in hiai tan honpina tung a kipahthu igen kawm in maban a hon makaih touhzel na ngen in pangkhawm siausiau leng Aman vualzohna hon tangsak ngeingei ding chih i gingta hi.
Program zohna bawlna hun ah “Kanan zuan ipai…” chih la sakhawm in Upa Kam Suanthang in Pathian kiang a kipahthu genna leh ankuang latna thumna nei in Departmental Joint Fellowship 2vei na (2014) program manphatak in kizou hi.
(Program zoh khit in paikhawmte’n sun-ann limtak nekkhawmna kinei hi)
************
