Dorcas Day 2013
Notes
Dorcas Day 2013 Sermon
"NANG VUALZAWLNA HI IN" Gen. 12:1-3
Vualzawlna hihtheihna ding lampite-
1) Pathian' deihdan (God's will) a masapen a koih gige ding (v.1a). Abram tuh sap a a omlai in a inkuanpihte, gamsung, leh chipihte' sanga Pathian tungnung zaw a koih dinga sap in om hi. Pathian in Amah a masapen a koih ding mite zong hi. Wycliffe Bible Commentary in Pathian in a mi deih Abram ah mu hi, huai tuh, Amah a poimohpen leh masapen koih gige ding mi ahi, chi hi.
2) Ginna a kalsuan ding, hing ding (v.1b). Mihing muhdan leh theihdan tan lel hilou a Toupa Pathian a lametna leh ginna masuan a hinkhua zat ding ahi. Ginna ahingte' peuhmah midangte a dingin vualzawlna hi pahpah uhi.
Bangchi'n Vualzawlna i hi thei ding ua-
1) Salam vualzawlna. midangte a dia salam vualzawlna ihihtheihna dingin piak-khiak ngamna kul hi. Delhi a khosa thei dia Toupa'n hon omsak i kipak hi. Huchihlaiin, ei mimal, sungkuan kia va kibuaipih nilouh dinga hamphatna tang hi din a gintak huai kei hi. Toupa'n banghiam tup kichiantak nei ding hi. Huai tuh, midangte a dia vualzawlna hi ding in. i khalohte vel le hang, singtang a naupang ni/thum nei pencil khat chiat a kim ding lei zoulou te toh kiteh zual tale, mi'n tate pencil zat ding kiching a neihlouh lau ua en a val inn a bangzah kem i hia? piakkhiak ngamna in vualzawlna tampi tun ding hi. Panpih theihna kong kihong hi- DORCED project, leh Nehemia Project te leh a dangdang i nei uhi.
2) Khalam vualzawlna- Khang masa, i nu-le-pate (pi-le-pute) Pathian adingin ginom mahmah uhi. Theihna niamchik nei mahle uh 1/10 piak leh thilpiak ah hausa mahmah uhi. Diktat takin Toupa' deihdan zongin hinkhua ana zang uh a, tuin eite hiai tan ah i khosa thei ta uhi. Huchihlaiin, hiai vualzawlna thuguk, Pathian' deihdan a hinkhua kizatna leh huai thudik kipiaksawnna, a pesawn lou leh a nawlkhin i hihkhak ding thil lauhuai mahmah ahi. Pathian' muanhuai dan, A' itna, leh thilhihtheihna te tunin na tate tungah bangzah na pesawnta hiam? Pathian' deihdan mah a masapen a koih dingin bangzah vei na lamhilhta a? Khalam vaulzawlna i hi hiam? or hamse tutu lel i hi hiam?
Vualzawlna hi a, hi tou thei jel ding in Toupa'n Dorcas Day zangte tengteng hon ompih in hon makaih chiat ta hen aw.
