La Phuaktu : V. Paukhansiam
Key E
Pathian hong itna lamdang lua sa’ng
Leitung mi khempeuh a siamsa hi
A siamsa mite honkhe ding in
A tapa hong sawl hong honkhia hi
Sakkik:
Khros ah nongsi maw kei ka hin na’ng
N’ong itna thuk dan lamdang lua sa’ng
Ling lukhu khu a na sisan luang
Kei dia damna hi hong phatden ning
Toupa nong itna lamdang lua sa’ng
Mikhial nong itna thukin sang hi
Kumpi lukhu suah ling lukhu teel
Moh neilou siangthou mohteng na pua
Na itna thuk dan kua’n gen thei ding?
Simlei leh van mi’n suut zoulou ding
Van angelte toh misiangthou te’n
Nang phat lasak ding lawplua ing e
