Phatna Latelkhawm (Labu)

HINNA KA NEI

La Phuaktu : V. Hangpu
Key F

Ka kipahna thuguk
Khovelin ahon theihpih lou hi
Ka damna thute mah
Gen leh saksak nuam kasa

Sakkik:
Hinna kanei Jesu honpiak
Khovelin apiak theihlouh
Tangtawn hinna kanei
Kapa khutsung panin
Kuaman asuhkhiak theihlouh
Ka kipak ngei e hinna kanei

Gensiam kei mahleng zong
Hon ittu aw ka theichian ngala
Ni kha kum hongtam zong
Honpa ngaihna pung semsem

Amel tomkal muh zong
Sepgimna toh akithaman hi
A kiang tuang ka tunchiang
Ka lungkim mahmah ta ding

Khovel thupina in
Pahna bukim kuamah petheilou
Toupa Jesu Khrist ah
Hinna damna kim om hi.

Plot No 16, Pocket 6, Dwarka Sector 1A, New Delhi - 110 045
Phone: +91-9862741044 / 87309 91331 | Email: pastor@ebccdelhi.org