La Phuaktu : C.K. Khai
Key E
Migiloute’ bawlsiat thuakin
Sisan naisan toh kidim in
Huhding neilou mipa khat lampi ah om
Siampilianpa’n hong muh chiangin
Lamnawl tawnin hong paisan a
Levi mipa’n zong donlou in paisan hi
Sanggam aw lungngai kik dih in
Simmoh bawlsiatnate thuakin
Huhding neilou lampi a napuk hunchian
Na muante’n hong kimuhmoh bawl
Na lamette’n hong taisan zong
Nang hong taisanlou hong nusialou khat om
Tua in hong it Jesu hi sun leh janin hongkema
I phawkkhaklouh hun chiang zong hong nuselou
Lampi a bawlsiat thuakin liam leh bah in ipuk chian
Aman hongphong in A liangkou tung hong pua hi
Na ihmut sungkal na ngawnin
Vantung mite’n hongching dinga
Na khanloh chiang zong napai nang honghilh ding
Gimin tawlin na bah hunchiang’
Muvanlai tha hong guan dinga
Dahna meipite hong kantanpih ding hi
Na natchiang hongdamsak dinga
Na dahchiang heh hongnem dinga
Na zawngkhal hunchiang hong tha khauhsak dinga
Na lungkhamna khuampi khempeuh
Lametna kongpi suaksak in
Na galte maiah gualzohna hongpia ding
