La Phuaktu : (L) Buonglienkung
Key F
Ngaklah takin aw ka-en Ka tangtawn mun ding,
Chikchiang in tua mun etlawm Tuang ka tung sam diam;
Hiai khovel ka zinna gam Ka pawtsan hun chia’n,
Kipaktak a Toupa phat in Ka leng ding hi.
Sakkik:
Aw nuam na- inchia maw Toupa’n honna pom dinga;
Hiai khovel ngai nawnlou in,
Van hehpihna pak taan in Ka leng sin ngal a.
Hiai khovel a sum leh pai Gou thil ka-et chiang,
Lungnopna aom theikei ka tantawk a din;
Van mun a goutan dingte Ka ngaihsut kik chia’n,
Kipahna tawplou tangin Ka leng sin ngal a.
Thupitak a mang Jesu A hongpai hun chiang,
Gingloute vakvai tak in A hongom ding ua;
Tua hun in gingtute hinna Ki bawlthak in,
Mu banga kha a lengin i om sin ngal ua.
Sang tamtak in hon ngak uh Tangtawn inn nuam ah,
Tua mun a ka tun hun chiang Nuam in leng ta ning;
Lawm it aw tua mun tungthei din Nnaki man hiam?
Niteng in Toupa’n honsam hi iitna aw in.
