La Phuaktu : Rev. H.P Runremthang
Key E
Khovel mipilte theih bangin ka theilou zong
A theih phaklouh tangtawn hinna thuguk ka thei
Khovel mihausate neihbang ka neilou zong
A neih phaklouh tangtawn hinna Khris Jesu ka nei
Sakkik:
Khovel in a hon englou ken zong ka engsam lou
A theih phaklouh ka thei a neih phaklouh ka nei
Jesu vangin ka tan phaklouh ding zong ka tang
Ka nung leh ma ah aw A hon um kimvel
Samari numei zong muhsitna neilou in
Kei mikhial leh hoihna neilou ahon it a
Ka sualna leh thulim louhna theinuam lou in
It luat vangin tangtawn hinna ah hon pilut ta
A tapa neihsun zong itlou a hon petu’n
Thildang bangmah keia dingin Itlou ding hi
Pathian Tapa nei a lungkimna neilou in
Khovel pumpi neikhin mahleh Lungkim lou ding hi
