PICHINNA
(BCD GRADUATION 2015)
{s5_mp3}http://ebccdelhi.org/sermon/pichinna-BCDgraduation2015.MP3{/s5_mp3}
Pichinna kichi teh dan tuamtuam om ding hi. EBC saptuam record dungzuiin kuapeuh batisma tang nailou leh upat kum 18 nuailamte Primary Member kichi hi. Baptisma tangsa himahleh upat kum 18 nuailamte Junior Communicant Member kichi a, Baptisma tangsa upat kum 18 tunglamte Full Communicant Member kichi hi.
Hebru laibu ah khalam pichinna tuh Khrist thubulte tunglam a hindan leh khoheigamtat ahi chih taklat in om hi (Heb.5:11-6:12). Huai mah tuh OT a Daniel hinkhua a kimu ahi.
Amah Daniel bel gamdang ah saltang a om ahi a, himahleh, Pathian a muanna, a ginna, leh Amah deihna banga a gamtatna in sihna lakah humbit hi. Hiai Daniel hinkhua bangchibang hi hiam-
- Pathian thu ahi bangbang a zui
- Pathian kiang a thum gige
- Amah hamphatna ding lel tan ah hilou in bangkim ah Pathian a muanna koih
- Amah hihna/nasep ah diktat in ginom gige hi
Gingtute'n hiai bang pichinna i poimoh hi. Toupa'n tuabang hi thei chiat dingin hon vualjawl hen.
------------------
November 29, 2015.
