{s5_mp3}http://ebccdelhi.org/sermon/Pathianthuchiam.MP3{/s5_mp3}
DAVID KIANGA PATHIAN THUCHIAM
2 Samuel 7:12-17
12Na ni a bei a napute kiang a na lup hun chiang in, nanung a na suan, nagil a gah ding ka tungding dinga, a gam ka hihkip ding.
13Aman kamin a dingin in a lam dinga, huan, a gam laltutphah khantawn a ding in ka hihkip ding.
14A pa ka hi ding a, amah ka tapa ahi dinga: thil a hihkhelhleh, mihing chiang leh mihing tate khetna in ka thunun ding;
15Himahleh na ma a ka suanmang Saula kiang a kipan a ka lakmang bang in ka chitna in zaw a paisankei ding hi.
16Huan, nai nkuan leh nagam khantawn a hihkip ngiungeu ahi ding a, na laltutphah lah khantawn a hihkip ahi ding, a chi, chi in TOUPA thu a hongtung.
17Huai thu tetengteng bang zel leh huai kilakna bang geih in Nathan in David kiang ah agen hi.
Pathian a thuchiam a A muanhuaina i theihsiam semsem na ding leh Jesu Khrist a thuchiam neite ihih a hamphat huaina i phok thakna hi ding in, leh David inkuan sunga tate kepna a lohsam mahmah Pa' tunga Pathian huchi lwmlawm a A muanhuai leh eite tungah leh Pathian muanhuai lua ding ahi chih i muanngam semsem na dingin hiai thupi ka hon tel hi.
David-
•Pathian’ tel (chosen) ahi (1Sam.16:13)
•Israel Kumpi ahi (2Sam.2:4)
•Khelhna a puklut, angkom pa ahi (2Sam.11)
•Insung kem zoulou pa ahi (2Sam.13)
•Himahleh, Pathian’ thuchiam tangtunna pa ahi
David kianga Pathian thuchiam tuh-
-A suan, a gilagahtungding ding
-A Laltutphahkhantawnadiahihkip ding
-Ka chitna in a paisankei ding
-Na inkuan leh na gam/ laltutphah khantawn a hihkip ahi ding
David leh a suante muanhuai louhna-
- David bel angkompa-mikhial ahi
- A tate kithat uh a a Pa uh dou lai uhi- A tate gamdangte tanute zi in nei uh a, milim pathian be lai uhi
- Israel lalgam nih kisuah hi
- Judah gam, Jerusalem khopi leh Temple telin, puksia a Babulonten thuneih khum uhi- David leh a suante'n a gam uh tang zou non lou uhi
Himahleh, Pathian a thuchiam ah muanhuai ahihman in David suan apan khovel hondampa Khrist hong piang a, a lalgam in tawp ni neilou ding hi. Pathian thuchiam hihkip semsem in om hi.
Tuni'n nang kei leng David leh a sungkuante banga hatlou leh khial, zongkhal himahle hang, Jesu Khrist a thukhun thak hon pia Pathian i tungah muanhuai lua hi. Bangzah ta lohsam sa himahleh hang hon tung ding nawn ding a tangtawn hinna ah hon pilut lai ding hi, Amen.
--------------------
July 26, 2015
