Sermons Archive

Sermon: Pathian tunga Lungkimna

{s5_mp3}http://ebccdelhi.org/sermon/Lungkimna.MP3{/s5_mp3}

PATHIAN' TUNGA LUNGKIMNA

Sam 37:4: Toupa tungah leng kipak in; huchiin na lungtang deihlamte a honpe ding hi.

LUNGKIMNA=Kipahna, nopsakna, tawldamna, buchinna, genna ahi. Paite Bible Dictionary= thil dangteng (Pathian lou siah) deihna leh lunggulhna apan zalenna ahi. 1 Tim. 6:6 ah- lungkimna toh kithuah Pathian limsakna tuh.... Hiai a lungkimna tuh =contentment ahi. Joy or Delight leng a kizang tangpi hi.

Thil nih piang theite: 1) Deih teng neihna - deih teng leh lunggulh teng kinei khin vek sipsip leh lungkimna kinei ding hi. Huai lah thil hi theilou khat ahi.
2) Deih neilou dia kithuzohna- bangmah deih leh lunggulh neilou dingin kithuzoh zou in ki dekzou leng ki lungkim mahmah ding hi. Huai leng thil hi theilou ahi.

Himahleh, lungkim a i om theihna dingin Deih khat i neih ngai, lunggulh khat i neih ngai masa a, huai khit chiangin, tua i deih leh lunggulh pen i ngah ngai hi.

AHihleh, bang deih a bang lunggulh ding? a OBJECT khat a om kul hi. Neih-le-lam maw, minthanna leh kilawmna maw, pilna leh siamna maw? Hilou e, PATHIAN mah deihpen lunggulhpen a i neih chiangin tua ah lungkimna kingah ding hi, AMan hon zuau san lou ding ahihman in.

Sam 37:4 ah- Toupa tungah leng KIPAK in; huchiin na lungtang deihlamte a hon pe ding hi. Hiai ah lungkimna kingakna tuh Pathian ahi a, huai tuh deih teng ngahna leng ahi.

1 Tim. 6:6 ah- Lungkimna toh kithuah Pathian limsakna tuh punna thupitak ahi....hiai ah lungkimna kingakna (object) tuh Pathian ahi.

Phil 4:11-13 ah Paul in thil bangkim ah kipaktaka omdan thuguk ka theita, zawn dan ka siam a, hauhsak dan leng ka siam, chi hi.
2 Kor. 12:9 ah Paul kipaktakin ka hatlouhnate ka suang zaw ding...chi hi.

Pathian a kinga lungkimna, Pathian tunga lungkimna tuh bangkima kipaktaka om theina thuguk ahi a, hatlouhna a leng kipah theihna ahi.

Phil 1:20-24 ah Paul in a lungkimna thuguk tuh amah taksa tungtawn a Khrist tawisang a omna ahihdan gen hi. Khrist tawisang a om, thupisak a, pen a lungkimna ahi. A hin aleh Khrist adia hing, a sih leleng punna hilai ding chi hi. Huai punna tuh lungkimna pumchinsakna ahi. Huai omdna bel Khrist a naih semsem chiangin a lungkimna bukim semsem chihna ahi.

Huaijiakin, Pathian' tunga Lungkimna tuh-

1) Sep-le-bawl a Pathian pahtawina
2) Pathian dante a masapen a koih gigena ahi
3) Hinna leh sihna a Pathian pahtawina ahi

Result- Pathian' tunga lungkimna in hiaite hon tun lai ding hi.

1) Lungtang deihlamte piaka om ding
2) Punna tampi ngah ding
3) Hatlouhna ah leng lungkim theihna
4) Thilhihtheihna (hatna) nei ding.

-------------------------- 

February 15, 2015

Plot No 16, Pocket 6, Dwarka Sector 1A, New Delhi - 110 045
Phone: +91-9862741044 / 87309 91331 | Email: pastor@ebccdelhi.org