Sermons Archive

Sermon: Khrist Theihna a Khanna

{s5_mp3}http://ebccdelhi.org/sermon/khrist_theihna.MP3{/s5_mp3}

KHRIST THEIHNA A KHANNA

Text: 2 Peter 3:14-18

14Huaijiakin, deihtakte aw, huaibang thilte na lamet jiak un nin bang lou leh gensiatbeiin, khamuang taka na om uh a honmuh theihna ding in, thanop suah un; 15huan, i Toupa dohzohna hotdamnain sim un. i unaupa deihtak Paulain leng, a kianga pilna piak bang jela, na kiang ua a gelh bangin; 16a laikhak tengteng ah, tua thute genin. tua mahbangin a gelh hi. Huaiah tuh tuh theih hak thukte a oma, huaite tuh mi pil lou leh mi kip louten, laisiangthou dang a ngaikawi bang un a ngaikawi ua, amau leh amau kihihmannan a zang nak uhi. 17Huchiin, deihtakte aw, nouten tua thute na natheih kholh jiak un pilvang un, huchilou injaw mi giloute diklouhnaa pi manga omin, na kipna ua kipan na puk kha ding uhi. 18Ahihhangin, i Toupa leh Hondampa Jesu Kris hehpihna leh theihna ah hongkhang unla. Tu leh khantawnin amah kiangah thupina om hen. Amen.

Bangziaka Khrist theihna a khan kul hiam?
- Hehpihna leh lemna a kiching a nei ding (1:2)
- Puk lou ding, pimang a om lou ding (3:17b)

Bangchi-a Khrist theihna a khang ding?

1. Thanop suah ding (v.14): Jesu Khrist a thuchiamte i lametna ah thanop suah gige ding. Pathian in lei thak leh van thak bawl ding ahi, hiai khovelmei (fire) a halmang khit ahih chiangin. Hiai bang thuchiam i neihte leh Jesu khrist hong painawn ding ahi chihte ah thanop suah ding. Hiai thanop suahna tuh Khrist theihna a khanna ahi.

2. Pathian' dohzohna hamphatpih ding (v. 15a): Pathian' dohzohna siatpih mai lou a phattuampih ding ahi. Pathian thuchiam hong tung pahpah loute'n Pathian hehpihna kiching ahihdan hon musak hi. 3:9 ah Mi khenkhat in zekai a sak bang un Toupa jaw a thuchiam lamah a zekai kei hi; kuamah manthat deih loua, mi tengteng hongkisik deihin, noumau lamah a dohzou ahi jaw hi, chi hi. Pathian dohzohna (patience) tuh kuapeuh a manthat louh a hotdam a hihtheih zawk na ding uh ahi.
- kisikna leh hotdamna ngahna hun ahi.
- hotdamna thu gensawnna hun ahi.
Khenkhat ten Pathian' dohzohna (patience) tuh ginlahna in a zang uh a, gingtaklouhna in a la lai uhi. Pathian gingta loute' thugen koppih in pimang in a om uhi (v.17b).
Paul in leng tu hun tuh hotdamna ni ahihdan ana genta hi (2 Cor. 6:2).

3. Pilvang a om ding (v.17a): Pathian' dohzohna mahni siatna dinga zanglou dinga pilvang ding (v.3-4). Hiai thu tuh v.16c ah kigen hi- huaite tuh mi pil lou leh mi kip louten, laisiangthou dang a ngaikawi bang un a ngaikawi ua, amau leh amau kihihmannan a zang nak uhi. Mipil lou= untaught/ignorant. Pathian thute mahni siamtan na ding lel a zatlouh ding- self-justification. Pathian thu tuh Amah deihdan i muh theihna ding a zat ding ahi.

Huaiziakin, thanop suah a, Pathian dohzohna manphataka zangin, leh pilvang taka om in Khrist theihna ah i khang tou thei ding uhi.

Khrist theihna a khanna tungtawn in hehpihna leh lemna a kiching Pathian in hon pechiat hen aw.

----------

October 12, 2014

Plot No 16, Pocket 6, Dwarka Sector 1A, New Delhi - 110 045
Phone: +91-9862741044 / 87309 91331 | Email: pastor@ebccdelhi.org