Articles

Joint Worship Motivation Report

Brief report
JOINT WORSHIP MOTIVATION – 2015

- Upa Chinsum,
i/c Music & Worship Team

EBCC Delhi’ makaihna in Joint Worship Motivation-2015 program saptuam pawl 3 (EBCC Central Delhi, ZCF Delhi & EBCC Delhi) kigawm te’n nuamtak in November 07 (Kiginni) ni’n EBCC Delhi Biakinn ah kizang hi. Hiai hun a thupi di’a teelkhiak “JESU LIANPEN HEN” (Johan 3: 30), laapi di’a teel “Lam tawntung ah” (David Kham). Mimal hinna, Worship Team lak leh I pawlpite ah Jesu lianpen gige leh cih deihna ziaka thupi kiteel ahi.

Sunma lam (10am to 1pm) Joint Worship Motivation - LIVE PRAISE & WORSHIP dan in pai a, Worship Group 1na, EBCC Delhi; Worship Group 2na, ZCF Delhi; Worship Group 3na, EBCC Central Delhi te’n a hun-tan (time-package) ciat uh minit 40 zel manpha tak in zang uh. BCD, EBCC Delhi apan leh laa lama thilpiak tang tuailai khenkhatte apan zaila sakna/ ngaihkhiakna a kallak in om zel. La sakkhiak: WT Delhi – 7 (English 2, ei laa 5), WT Central Delhi – 5 (Eng. 1, ei laa 4), leh ZCF Delhi – 4 (Eng. & ei laa 2 veve).

Sunnung lam (2.30pm to 5pm) WORSHIP MOTIVATION-CUM-ORIENTATION hun ah Pastor 3 (Kamzamuan, Jangkholun leh Biakson) te’n sinsakna (talk) minit 35 vel hun la ciat ua, sinsakna a piak zawh ciang un, houlimna/ kupbehna in zui zel. A kallak in, laa leh tumging lama thilpiak tangte’n special item pe zel, huntawp ah, thu-khupna (wrap-up) leh paikhawmte thupha piakna Pastor Nenglian, Sr. Pastor EBCC Delhi in nei. Hunpi zang, resource pastor-te thugen tamlou…

 Pastor Kamzamuan: Ei mite buaihuaina, laa sak ciilbawl - peihlou le himai i hi. Laa pite’n, dingsa in la sa ni hon cih ciang bang ua, “Ash…!?” ci nainai mai! Half-surrendered tawh TOUPA bia/ phat I hikha di, kiveel ni. Kikhop ci’a laa sak ciat di cih Committee level ah thupukna la in, laa sa loute thununna piak di ci le'ng ut mai ka hi! I hinna pumpi leh I aw neih teng suah a TOUPA phat di ahih lai a, en laa salou! A mipi lam kipan taktak lou, laa sa loupi a Laa pi (Worship leader) te sakdan, dindan, kizepdan peuh soisel… tuate tawpsan vengveng a, aw neih teng tawh TOUPA phat I pat taak ding uh ahi. WT sunga kituahlouhna om leh a thu kiseel sak di, a mite kiseel hiam, kinuaksan hiam a om hetlouh di.

Pastor Jangkholun: Hibang Worship Motivation program I bawl patna uh hi'n ka thei a ka na kipak mahmah. Khangthakte lunglutna tawh kituak, thu leh laa-a kipina kikim tak a a pai theihna di’n tumging vanzat lam puahphat zelzel hoih ka sa. Laa pi leh tumging tumsiamte’n biakna ci taktak a n’on patpih ciang un, “Abul pat dik a kimkhat zawhsa” cih thupil I biakna ah zong dik veve, worship team te kou Pastor te a ding diak banga manpha lua na hi uh, hong hahkat seemseem un. Laa pi a mi hong dinkhiak leh bel, mipite’n khut bek na bet di ahi. Unau Mizote laka I va kikhop leh, laa pite leh mipite kizopna (pankhawmna) hoih, tua in tha hon-guan. True worship is God-centred worship.

Pastor Biakson: Laa pi di’a kipete’n biakna leh phatna tawh kisai laibu sim tam (sim taima) le hoih ka sa. Exploring Worship (A practical guide to praise and worship) by Bob Sorge bang hoih lua ahi. Biakna makai ka na pankhak samna ah, laa teel haksa ka sapen, tha piak ngai, laa luangkhawm leh laa kizom deuh ngai, ngentel ngai petmah hive'n! Thumna mah, bible sim tamna mah tungtawna laa sak di teel a, manawhna lam khat nei a laa volh ahih cia'n manpha hi. Laa luandan, a kaih niam apan saang tou hiaihiai hithei leh hoih. Worship leader, mimal biakna hun pe tam, mipi mai a dinkhiak ci'a thunei leh kimuang (authoritative & confidence) kawm simtaka pii a deihhuai.

Pastor Nenglian: Laisiangthou a Sam laibu ah I ‘aw’ te suah a, Pathian laate sa-a, tumging leh kaihging ci tuamtuamte zanga, Amah phat diing a sinsak in I om hi. Vangam I tun ci’a biakna leh phatna I naapi taktak hong hita ding hi’n cin, tuni a worship team a kizang theite ciang – Kiginni leh Nipini a la sinna leh sakna-a hunpete bang in tu'n phat lawh kholkei mahle-ucin le, vangam a inntek zaw himhim di na hi uh (tu hun a la sa loute sanga)! Hiai khawvel a kum tamlou I hin sung, Pathian akipan vualzawlna leh hamphatna I tante Amah aa diing mah a kizang tam theithei, kizang tam zouzou mi hampha himai I hi.

JWM-2015 program, lunch coupon system a paisak hi a – minkhum khinte coupon leh program copy kipia, minkhum 160+ val. Nek-le-dawn saina BYF committee in kizentak in sai, media coverage Media Team (www.ebccdelhi.org) in lungtunhuai takin. Paikhawmte’ mit tukna mahmah ahihleh EBCC Delhi leh EBCC Central Delhi akipan (ordained) Upa 10 velte’n Usher’s badge ok a saptuam mipite ana vaidawn/ huai uh ahi. JWM video kila, Media Team in edit zouta; WT member (leh pastor) te lakah ‘deihsak thilpiak’ dan in hawmkhiakna pai lel. Wow! Budget, Rs. 70,000/- guan lak ah, Rs. 64, 810/- tawh JWM feltak in zawh ahi. TOUPA hoih hi.

Nipini sim hun kibichilh sim taka mipi biakna kikhop laa pina len, commitment nei WT member te'n hun kidaih leh suakta zawdeuh in ging kilawm tawh TOUPA biakna leh phatna, Live Praise & Worship hon nei dapdap uh tuh, tha ngahhuai in, a nuam ei! TOUPA’ belamte cinna a hunbit a seem (WT te laa pi leh mipite’n Vanglian TOUPA phat a laa sakdan/ saklouh dan naicik a na mu gige) Pastorte’n, a lungsim ciat ua dimlet thute hon genkhiakte uh zong, manpha, TOUPA’N a thawn in hon koih saklou diing hi. Amen? Jesu lianpen gige hen, nang leh kei hinna ah!

Click here for photos

----------------------------

JWM muhdan genkhiakna:

Worship Team te mahmah in a tam theilam hamphatna leh kiveelthakna toh n’ong zattouh uh deihsakna lianpi hong khak ing e. Lungdam. (Pa T. Suanlian, musician, New Lamka).
……

Hoih lua ei. Lohching takin hon zang un… All the best! Thumna ah ana delhzui den ka hi. (Tg Khanthang Shoute, musician, Lamka)
……

Heheih!  Praise and worship, nopchina zizi ei! Tuailai aw... Tuailai aw... Pathian min phatna thawm husa lua chih omlou din aw. (Pa T Thuamkhopau, BYF leader, New Lamka).
……

Hi (JWM) invitation hi kan lo hmu ngei. Lawm a um taluo. Amiruokchu, Nov 8 hin North East Choral Competition a thang kan tum a, kan Youths hai an in engaged vawng ana. Iengti nam a ni ding chu maw. Thang chak a um khawp el! (Mr Vanlalmuon Joute, Secretary, ICI Delhi).
……

A’ thugente uh (Pastor te thugen) a nuam vek. Pastor Biakson thugente a nuam ka sa diak, aziak ahihleh amah le biakna leh phatna a na kizang ngei ahihna ah, a thil gente practical mahmah in ka thei. (Pa Siamkhum, musician, Delhi).
…….

WT te kipangkhawm siam panpanta. Thil thupi hih khiatna di’a anuam lou pal touh neknek bang le a nopna khat himai aka. Lungkiathuai vungvung hun bang omthei mawk a maw. Tulai i Program te uh, (abik in WT) setan in hon sual lua ka sa. Pathian in hon zang ut mahmah hi in ka thei. (Tg Deuel Khual, musician, Delhi).
…….

Biakinn polam, loud speaker te a lasak & thugente ka na zakna ua pan, nop tuak mahmah. Thugente a hoih a, abiik in Pastor Biakson gente. JWM I sai uh chu manpha leh maban a gah hon suang ngei di’n ka gingta. WT adi’a commitment piak I chih thil thupitak ahihlai in, spiritual warfare (khalam galdouna) nasatak ki-involve ahi, chih kei muhdan ahi. Huaiziaka member te thumkhawm tam, practice poimoh pen. (Pa Thangzasiam Paite, BYF leader, Delhi).
……..

Hoih ka sak chu - Pasian a di’a hun pia a Amah phat theihna lungtang tawh khangnou tamlou in Pasian ih bekhawmna thupi ka sa lua, Khrist a unau ki-itna pung seem in ka mu. Hici deu le - Pasian laa ih sak chiangin lungsim le pumpi mahmah  tawh sakhia thei lei lunggulhuai ka sa diak. Suakta taka ei Zomite’n Pasian kiphat thei taktak nailou in ka mu. (Tg Jacob Khupliankap, singer, Delhi).
…….

Worship is a means & tool, a catapult for exhorting – reviving missions. JWM hih zom theih leh ahoih di. But sound/ technical experts need to be better arranged. (Tg Benjamin D. Samte, musician, Delhi).
........

Mihing lamah kisak-kholhna liantak kinei, WT in laa pita. A lailak ah gintak hetlouh in mei hong mit mawk! Ahi-a huai mun chet ah Pathian in hon houpih hi in ka thei, leaderpu' thugen, “Laa sak i sunzom di uh. Pathian phat di mah a paikhawm I hi. Mei omlouh ziak in khawl kei ni…” Yes! Let us continue praising Him even when the music fades... cih bang ka lungsim ah hong lian hiaihiai. Worship is all about Jesus. It’s all about You Jesus… it’s all about you Lord.. ci in kipahthu gen in hun nuamtak ka zang hi. Meite mit in, tumging kilawmte hong daih hun in ka Pathian phat taak ahihna bei lou; yes, aw (voice) honpia, damna hon pia… He deserves all the glory. Praise God!

Huci kawmkal ah, Phatna I cih pen Setan in ana lau mahmah hi’n ka thei. Phatna hong kipan… huai laitak a lungsim teng divert sawm zaw hi di, mei bang hong mit, but ‘Victory’ Jesu min a i proclaim leh bangmah hong hih thei tuan hetlou hi! Toupa, Na vualzawhna hon langsak in. Vualzawhna hong puang in, Nang ka hon muang seem nang un.. ci in kithum. Thum lai in mei hong pai nawn a, Phatna nuam tak in kisunzom. Hiai hun ah kei mimal adi’n ka Phatna dan kikhek vilvel hi. Praise God. Mimal hinkhua ah hitaleh, haksat hun inle Phat phat ni, i kam in le gen khe taktak ni; you can Praise the hurt, the pain, the problem away.  (Lia Elish Zousangpui, singer, Delhi).
………

Pastor Biakson: His talk was practical, insightful and engaging. As a worship leader himself, he was able to focus on important issues like proper selection of worship songs, correct choosing of keys for the songs and inter-personal relationship among the WT members. Above all, his stress on the need to develop a direct relation with God and doing that was the priority of WT members was inspiring.

Pastor Central Delhi: His talk was witty and interesting with his focus on the relationship between the WT members and the congregation. He stressed on the need for equally enthusiastic participation from the congregation during the time of Worship. His factual admission that WT members are easy targets of criticism as well as praise was very true. From it, WT members could learn a valuable lesson: Focus solely on God, not men.

Pastor ZCF: His talk was thought provoking and he stressed on the important role the WT plays in the church service with his saying "Well begin is half done". He stressed on the need to forget one's surrounding or how his neighbour will judge him during the worship service and focus solely on praising and worshipping GOD! (Pa G Pumthianlal, musician, Delhi).
…….

☺ Music khawng I tum khak lel leh leng nop sa law zak, lungkim petmah chu kihipah mai incin... WT Motivation prog toh kisai a thugente zuih tuak ngen ahivek mai a, nuam ka sa mahmah, mimal tak a hoih leh zuih touh tuak ka sak mahmah te:-

#Pastor, Central Delhi: Laa pina neih ciang a laa gelh hah et luat louh a mipi toh eye contact nei a, kithalawp tak a laa pi zel ding. Hiai dan zuisiam te tuh laa sinna ah leng achitak pawl ahi pahpah ua, lunglut na kia hilou a phat utna lungtang leh veina tak neite sawl luat ngailou a hong automatic mai hidan peuh in ka na koih hi.

Mipi lam in lasak pibawl zou lou. Kenle hiai tungtang cu ka na vei thei petmah a, akhen ciah hotdamna manphat dan leh I Biak Pathian thupi dan gel ban lou lua I hi nilouh tel ding ua aw ka cih hun atam ahi. Nidang Khristian masate or laisiam I tam ma, Tangthupha I theih milmial lai khawng ua I kilawpnate uh thupi zaw maimah hia leh ka cih sek ahi! Aziak bel tuhun siamna pilna I neih hoih hun leh Tangthupha ahoih leh phatna tak theisiam zawsem dia pil deuhdeuh ding hileh kilawm kihai dedeuh hi'n ka mu hi.

#ZCF Pastor in, Khangthakte lunglutna toh kituak tou, kikim tak a paitheihna di’n music vanzat lam puahphat zel hoih asak thu. Hiai kha akoi-akoi ah panlak petmah ngai hia ka theih khat ahi, nidang in piching lut touh tung lai vel in ka veng uah kikhopna pi simtak khat ah lawmte toh tulai music deuh (a ham ziazia deuhte chi ni) toh Phatna laa ka va sa uhi. Sak zoh a thugentu’n den a 'heavy weight metal music' perform a phatna laa sate cih dan in hon comment zui hi.. nak gen lua hikei mahleh tua bang dante kha Setan piak bawl deuh hi'n ka mu ua, kipak law ciah lou in hun kizang kha zek hi. Tua dan tumgingte Toupa Phatna di’a zattheih louh mah adiam? Mihing I tuam dungzui in I taste leng thil bangkim ah hong tuam mahmah sek ahihna ah kisuk thadah khak theihna ding tam hina e maw ka chi lungsim hi.

Pastor Biakson in, Laateel na I neih chiang in a tawp ah leader pen in final decision ah thuneih na alak hoih sa chi hi. Hiai kha alou theilou a zuih ngai, a zui kha lou a om leh chu a group uh a chidam sawt kei di va cih hial ding hikei mahleh kituah louh/ kiselbuai baihlam ka sa hi - keimah experience tungtawn apat et in. Aziak ahihleh laa, member-te hon teel khop teng hong kihiang gige lou, khat a paikhia (guanglou) in khat a koihtou le lungkim lou maimah bang om thei tham; hucih hun ah leader in thuneihna lianpen tawi ahih dan leh ahoih ding pen dan a vai hon hawm ding ahi cih member te lak a theihsiamna hoihtak a om poimoh petmah ka sa hi. 

Thugente nuam a, hoih  theilua, kupbeh ut  ka neih gige tuh hun (time) zatdan ah ahi pen hi. Adiakin Delhi bang khopi lian mahmah ahihna toh laa zilna hun timing kibawl ngal leh lap siausiau ding a kuan poimoh ka sa thei mahmah hi. Hunlap louh ciah laa zil siam ding zah kizil siam zoulou geihgeih, hunlap a kuan masa theite hun manpha tampi tak a zekaite’n ki-waste sak kha suak. A manpha hun, a value theihsiam petmah ngai hi. (Tg Shang Naulak, musician, Delhi).

Church Address

Church Address & Pastor Qtr.:
Plot No 16, Pocket 6
Dwarka Sector 1A
New Delhi - 110 045

Contact Info

Pastor N Tuang Lang - +91-9811343689
Pastor H. Biakson - +91-9711864037
Email: pastor@ebccdelhi.org

Service Time

Personal Counseling: 9:30am - 10:30am
First Service: 11:00am - 1:00pm
Second Service: 2:00pm Onwards

Subscribe eNews

To subscribe eNews click below button

Subscribe Now

Copyright © 2016 Evangelical Baptist Convention Church Delhi. All rights reserved.