Articles

Seminar: PA' MANPHA

PA MANPHA                                                                    
By- Pastor V Nenglian

Pate Seminar
Organized by TBDF, EBCC Delhi on May 09, 2015

------------------------------------------------------------------------------------------------------------

Bang thilte manpha i sa a?

  • Bible in manpha achihte bang ahia? Tangtawn thilte! {a video clip}

Pa’ hihna theihtheihnate-

  1. Kumpipa- amah tuh thuneihna tawi a vaihawmpa leh amite’taksap guantu ahi.
  2. Galdoutu- amah tuh kumpi thupiak ahi bangbang a zuia, hangsantaka hinna pephala galte doutu, kumpipa leh gamsung vengbittu, bitna tuntu ahi.
  3. Sinsaktu- amah tuh thil teng theitu ahi a, amah tuahsa leh sinsate pansan in mite sinsak jel hi. Lamlahtu/kokmuhtu muanhuai ahi.
  4. Lawm ginom- amah tuh itna toh hing gige leh panpihtu nai gige ahi. Ngaihhuai in a kianga om khiaklah huai se hi.

Pa’ hihna suse thei thilte-

  1. Tawndan – tradition (tawndan) bik ngaihnat luatna, ahihkeileh, a khengvala paidan ngeina khat pum let-tangna in Pa’ hihna melsesak thei hi. Omna mun toh kituak a vanzat, omdan leh kampaute etchet ding ahi.
  2. Nasepna- workaholic in insung leh saptuam a Pa’ hihnate melhemsak thei hi. {Eg. Erma Bombeck in a Pa sihni in a Pa thupidan leh manphatdan phawk khe pan hi. Amah theihdan in a Pa bel inn a om ngeilou zingkhang a “ka kuan ei” chi a pawtkhia vengveng, nitaka inn hongtung kiknawn lel Pa ahi. A belta-lem kineihna uah a Pa role ding theilou in a Pa a pangpen “ka kuan ei” chisakin lupna nuai ah lawnlut zel hi. A Pa’n nasep uangbawl lua in insungah hun zang manlou hi.} Banah, Billy Graham interview na hun khat uah, “kum hiaizah Pathian a din lohchingtakin nakizangta a, hiai hun sungin hihkhial na kisak/bawlthak tuak nasak a om hia?” chia a kidotna uah aman, “Hi, ka nasep a bula panthak thei ding hileng, insungah/inkuante toh hun tamzaw ka zang dinga, a pawlam a nasepna nakpitakin ka tawmsak ding. Birthday leh party tuamtuam a katel nate keiloua leng hi thei lua mahmah ding uh ahi” chi’n a dawng kichi hi. Nektak zonna nasep nakpitaka a poimoh lai in, Insung leh saptuam a Pa hihna melhemsak ding hial a kizat louh ding ahi. Tua hileh, insung chidam zaw ding hi.
  3. Nek-leh-dawn- mihingte’ ngeinadan khat tuh eimah hihna tantan hoih-hun sak mahmahna ahi. Tua bang kalah, Pate’n i theihdia hoih mahmah bel, nek leh taak, tep leh muam thilchin khenkhat te’n Pa i hihna naktakin susia uhi. En hoih hun mahmah i sak laiin Pathian’ deihna tung zoulou, hon enton tute a dia siatpih theih ding thilchin i nei hiam chih bang kivel tuak mahmah hi. Zu dawn zeuhzeuh a se pahkei a himahleh chi’n a neih ahih chiangin kisiamtan kawmkawm a tun utlouh tan hon tun thei ahihman in, leh hon enton tute’n aleh tampi hoihlou lama hon zui ding uh ahihman in zeuhzeuh louh tuh hoih zaw lai ding hi. Hiai bang thilchin in i gintak sangin Pa' hihna melsesak zaw hi.
  4. Numei-pasal kal thangtatna (women as sex objects)- pasal pawl khat-te’n numeite tuh sex object bang lel in enkha nak uhi. Papi khenkhat te’n amau zite sanga midang, numei dang, a etlah zawk bang uh leng gitlouhna huaisetak ahi. Hiai bang ngaihtuahna leh thilchinte’n Pa hihna naktakin sesak uhi. Mahni zi mahmah le tua bang lel a koih hetlouh ding ahi.
  5. Hiamgamna (verbal violence)- Hiamgamna i chih kivuak, chianga kisat kia hilou in kampau uanglua/sanglua leng ahi thei hi. Insungah, saptuam ah, midang lakah i kampau pilvan mahmah ding ahi. Na tate leh na zi kamsia in hou/tai ngei het kei in...amaute adia hamsia nutsiat na hi nilouh kha ding.
  6. Cyber culture- Khovel khantouh dungzuiin vanzat hong kikheng tam mahmah hi. Tuate lakah internet leh phone tungtawna kithuzaktuahna bang ahi. email-facebook-whatsapp- chihte zongsat theih thil ahihman un, pilvan mahmah ding ahi. Na theihlouh kalin hiai te’n Pa na hihna melseksak ding (khinta) uhi.

Pa’ Manpha hihna tunding nawn theihnang lampite-

  1. Restoring responsibility- Pate’n i mohpuakna chianthak in tuate tungding nawn ni. Eimah mimal hinkhua a i mohpuakna, inkuan a i mohpuakna- alu pen ihihna, saptuam a i mohpuakna, leh khotang a i mohpuaknate chianthak in tungding nawn ni. Zite hiam, ompihte hiam tungah ngamai louin eimah mohpuakna ahi bangbang a sangin semkhe di’n panla thak chiat ni.
  1. Restoring purity- sianthouna lamah i ki tung ding thak ding uh. Hinkhua a sianthouna (Rom. 12:12,21) leh khalam siangthouna (Jn 17:15-19),
  2. Restoring Leadership- makaihna toh kisaiin inkuan ah Pate’n ma ikai na u hiam ki enthak ni. Inkuan kikhop bang, insung mite’ sep leh bawl ding tungtang ah bang, kivaipuakna leh khat leh khat kisaituahna ah makaihna nna ei khut a om pen ahihna banga sangin tua semkhia di’n panlathak ni.
  3. Restoring Love (Jn 4:8, Eph. 5:25)- insungah ki-itna in vai a hawm hiam, mimal chihte’n Khristian itna i hinpih hiam chihte vel thak tuak mahmah hi. Itna toh dohzoutaka ki enkol inkuan tuh hong lamzang ding hi.

Pa’ hihna tunding na dia etton ding- Jesu (model)

  1. Jesu’n hahkattakin sem a, zankhua in thum a, pathian toh kizom den uhi.
  2. Jesu’n khemna leh etkhiakna tuak den hi.
  3. Lungkhamtaka a om hun in leng pukse ngeilou- Pathian ah kinga gige hi.
  4. Khelhna leh diktatlouhna amuh chiangin heh mahmah hi.
  5. Kingainiamtak leh dohzoutakin sinsak gige hi.

 

JOINT SESSION: NUTE & PATE (2:00-4:00pm)

Intro: Nute & Pate’n hun hoih i mu ua hampha ikisa hi. BDF in hiai bang hun lemtang hon bawl uh ikipahpih hi. Nu manpha leh Pa manpha teng paikhawm ihihman un nuam kasa. Toupa’ ompihna tanga a vualzawlna tamsem mu ding leh Inkuan sunga vualzawlna tamsem tuntu hi dingin mimal chihte Toupa’n hon ompih chiat hen aw.

1. Nu-pa kal kisaina (sharing-Upa Damsomthang, L/Upa Ginkhankam, Upa Chinsum)

Numei leh pasal zaw kibang lou mah ihi, i ut-le-deihte, awlmoh leh hoihsak tampite kibang lou hi. Himahleh, tunna ding kibang, tup kibang a kalsuan khawm theite i hi.

2. Tate etkolna (Pa Vumlunmang)

Tate kepna leh sinsakna nna pen khatvei leh nikhat thu a zoh vek hilou ahihman in kukkal suah a naktaka pan lak gige kisam hi. Nupa a pangkhawm theite mah lamzang in masawn uhi. Tuchiang in, Nupa kia leng hilou in kim-le-pama mite toh le pankhawm poimoh hi, a diak in, gingtute lak bangah.

3. Ompihte toh kisaina (Nu Nemkhanmawi, Pa Vumlunmang)

Ompih neih toh kisai in bang chi’n pan i la ua? Bang chibang Dan i zang ua? Nu pen in sai vek mai maw, or Nupa a saikhom thei jel? A welfare uh bang chi’n i etkai sak a? chihte eimah a kinga ahihlaiin gingtute hih ding bangin i hih kha hiam?

4. Insung pawlam (khawtang ) a mohpuakna- Nek zonna, Khotang, leh Sahkhua ( Upa Kaithang, Upa Damsomthang, Upa Ngulminthang)

Insung pawlam a kizatna in nupa kal leh insung kikepna bangchi’n hon sukha a? Bangzah in a manpha hiam? A hoihlou lam ah?

Church Address

Church Address & Pastor Qtr.:
Plot No 16, Pocket 6
Dwarka Sector 1A
New Delhi - 110 045

Contact Info

Pastor N Tuang Lang - +91-9811343689
Pastor H. Biakson - +91-9711864037
Email: pastor@ebccdelhi.org

Service Time

Personal Counseling: 9:30am - 10:30am
First Service: 11:00am - 1:00pm
Second Service: 2:00pm Onwards

Subscribe eNews

To subscribe eNews click below button

Subscribe Now

Copyright © 2016 Evangelical Baptist Convention Church Delhi. All rights reserved.