Articles

Toupa Honpi Dan (25 Poimohna)

By- L/Upa Khamkhansuan

Clerk’s Grade Exam. a lohchinna ngah in, July 2,1991 in Delhi ka tung a, July 3, 1991 in ka sem pan hi. 25.5.1992 ni’n, ECC Biakna Delhi a patkhiak uthuai sak thu houlimna a kizang May 31, 1992 (Sunday) in patkhiak theih in hong om taktak hi. Kei leng Fin. Secretary dia guan in ka om ngal hi. Tuni tan a leng Amah Saptuam kemtu khat (L/Upa) dia hon muan lai lamdang sa ing.

Huchiin, ECC, Hqtr. in hon pomna ngai, chih ziakin, khawmpi lian (1993) hoh dia seh in ka om a, himahleh, hon sawlpa deihlam sang a kei lampang kien kha ka hiam, hoh kha lou in ka na om hi. Pa S. Biakthang kei taang in ahoh a, Pa Damsawmthang toh, hiai kum mah in, ECC, Delhi (tua EBCC, Delhi) khawmpi in pomna nei hi. Pathian in deihna hon nei ahi ngei ding a, kum 1994 khawmpi ah seh in ka om nawn a, kei leh Pa Hausuanthang ka vahoh uhi. Khawmpi thusun ding in, Delhi ah gam (plot) neih ding hon phalsak un, chih leh, Pastor deih thu ka vakuanpih uhi. Heutute, Upa Nengsong, Upa G. Thangchinlian leh Rev. T. Jamkhothang-te bang vakimuhpih in, amau leng hoih honsak pih ua, thusun hun beita mahleh, Khawmpi Chairman in, ‘Delhi a gam (plot) neih theihna a hon nget uh, I phalsak di uam?‘, hon chih leh, khawmpi palaite’n, ‘Phal tham e‘, chi in, thupuk uhi. Huchiin, Nasirpur ah Biakinn mun I hon nei thei uhi.

  • 25.7.97 – Namkal buaina ziak a lampi zui (as SSPP President).
  • 25.8.02 – Toupa’n Goutan 2na Joseph Hnunthansang hon pia.
  • 25.9.09 – Tua ka tenna uh Qtr. 89-D ka luah uh lat ni.
  • 25.10.09 – (Sunday) 8:30 pm in Pa Biakkhanmang leh Pa Nialkhanson te’n, Nasirpur Biakinn gamlat ziak a, Trans-Jamuna lamte’n biakna tuam neih theihna dia ngetna Local Saptuam ah ana pelut uhi. 7.11.09 in kigenkhawm a, huchi’n Toupa’n lemsa ahi ngei ding, i Saptuam mah in le, biakna tuam patkhiak ding ana gel omsa ngaihtuah kawm in, Trans-Jamuna kia hilou in, Central Delhi, North Delhi leh Ashram-te tan a uapsak in, 20.3.10 in Interim Commtt. ding guanna nei ngal hi.
  • 25.2.10 – in Saptuam gari WagonR book pha kisa in Property lamte kimu khawm.
  • 25.4.10 – in Interim lemsakna bangin, Biakna mun thak patkhiak theih ding in hong lang nawn. Hiai hun a, Pathian in hon deihna nei ahi ngei ding, Interim Committ. a Secretary ding a telkhiak a ka na om. Hiai tan honpi a, hon pii zel ding, ka gen seng kei. Toupa ei di’n hoih na e.

EBCC a kiphuh tung a Delhi mun a hon omsak a, tua Biakna thak patna a hon telsak zel Tangtawn Toupa min phat in om hen. Hiai atung a ni 25 te Pathian in nang leh kei a di’a a hon lemgelsak ahi kei, kuan i chi thei a? Hun hong tung zel ding ah le, Toupa deihdan bang ahia, chih theisiam dingin, vaipote honna thum pih zel un aw. Aman a deihdan eite tungtawn a A sep theih na ding in.

Church Address

Church Address & Pastor Qtr.:
Plot No 16, Pocket 6
Dwarka Sector 1A
New Delhi - 110 045

Contact Info

Pastor N Tuang Lang - +91-9811343689
Pastor H. Biakson - +91-9711864037
Email: pastor@ebccdelhi.org

Service Time

Personal Counseling: 9:30am - 10:30am
First Service: 11:00am - 1:00pm
Second Service: 2:00pm Onwards

Subscribe eNews

To subscribe eNews click below button

Subscribe Now

Copyright © 2016 Evangelical Baptist Convention Church Delhi. All rights reserved.