Ani : 26-27 October, 2012.
Ahun : 10.00 p.m. (26/10/12) to 6.00 a.m. (27/10/12).
Amun: Biakinn basement.
Piitu : Pastor Nenglian & Upa Kaithang.
EBCC Delhi’ Ministry Year Plan(2012) a kiguang sa ban ah Director(Min.), EBC Hqr. apan EBC Kumsim Khawmpilian 64na (December 1-4, 2012) neih nadi tawh kisai a thumna hunseh khat bawl dia ngetna hong pai gawmkhawm in hiai zankhovak thumna hun lamzang leh manphatak a zat ahi.
Hiai hun zatna sung ah thupi gol taktak chi 3 a khen in, leh hiai te thupi nou tamtak a khansawn in, hun zat didan bikhiah khol in thumna hun zat ahi. Hun bikhiah dan hiai bang a bawl leh zuih ahi:-
- EBC Kumsim Khawmpilian 64na (December 1-4, 2012) adia thumna – 10.00 p.m. to 12.00 p.m.
- Mimal kilatna hun:
i)Hun masa – Lungsim a puaknat/vei te(emotions) leh khemnate(temptations) – 12.00 p.m. to 1.00 a.m.
ii)Hun nihna – Haksatna/puakgik(burdens) leh taksapte(needs) – 1.00 a.m. to 2.00 a.m.
iii)Hun thumna – Maban(career) leh tunung hun ding(future) – 2.00 a.m. to 3.00 a.m.
- Gam leh nam adia thumna hun - 3.00 a.m. to 5.00 a.m.
i) Leitung leh khovel.
ii)India gam.
Hiai thupi gol 3 te pansan a thumna hun zat ahih zawh in mimal lungsim a hongsuak awlmoh leh puaknat te kupna(sharing) hun leh huai te pansan a Pathian kiang a thumna hun neih nawn ahi. Huchiin ziingkaal dak 6 (27/10/2012) veel in hiai thumna hun manphatak a zawh ahi.
Hiai thumna hun ah hun bawng/beu khat zat zawh ahih chiang in Pathian phatna la nuamtak a sakkhawmna in helh ngiitngeet hi.
Hiai zankhovak thumna hun ah akipat chiil in thumtu 40 vaal pha a, zing khovak a azohna bawl ahih tan in thumtu 40 pha dektak pangsuak uhi.
Hiai hun zatna a paikhawm te’n Pathian’ kha ompihna nasatak tang hi a kitheihna nei in tellouh khak ding lauhuai sathak zezen uh chih thutut ngah ahi hi.
Hiai zankhovak thumna hun zat tungtawn in Pathian in thupina tengteng tang ta hen.
- Upa Thiankhanmuan
Secretary, Ministerial Committee
