NAUPANGTE NI ZATNA REPORT
Amun: EBCC Dwarka Delhi
June 24, 2012
June 24, 2012 dak 11:00 am a kipan in Naupangte’ Ni zatna hun nuamtak zat ahi. Heutupa Sonlal on kikhopna siamtak leh fel tak in hong makaih hi. Hun kizatdan anuai a bang ahi:
Np. Bliss Ningnem in Bible sim in thumna hong nei in hun kipan hi. Worship Team leh BCD Heutute makaih in Biakna leh Phatna Hun nuamtak kizang tou ngal hi.
Tua zoh in Htn. Zou-I in Naupangte Ni thupuak genna nei a, mipi hong paikhawmte vaidawnna gen in naupang kepna poimoh ngaih huai a sak dan thu gen uang hi. Evangelistic Program sung nek vai hon saisak Nute (TBDF) te tung ah kipahthu gen in vaidawnna hun zang hi.
Abanah, Beginner A & B leh Primary kigawm in laa action in kilawmtak hon present ua, tua toh kizui mah in Htp. Sonlal makaih na in Nulepate “Happy Children Day” chi a kikou in pahtawi sak hi.
Tua zoh in Pastor in announcement hon nei a, Local Secretary in Pemlaklutna nei in Pastor in thumsakna nei ngal hi.
Intermediate leh Senior kigawmte’ special number in zui ngal a, tua zoh in Htn. Zou-i makaih in tukum BCD Sports lai a Certificate te hawm khiakna kinei hi. Thilpiak latna Upa Thiankhanmuan in hon nei zui ngal hi.
TBYF hunseh ah Chairman L. Goupi in naupangte pahtak thugen in, itna thilpiak Superintendent kiang ah pia hi.
TBDF hunseh ah Committee member teng hong pai in “Jesu’n naupang neute it” chih laa action in hon sa ua, naupangte leh heutute pahtakman or itna thilpiak pia uhi.
Tuazoh in Rev. V. Nenglian apan thugen ngaihkhiakna hun kizang hi. Naupangte leh heutute thumsakna hun zang masa hi. Thugen tangpi: “Bangteng Pathian deihdan hizaw ding in”. Marka 10:14b leh 9:37 pansan in thugen hi. Pathian nungzuih ding ahihkeileh Jesu/Pathian ki-command sak ding ahih dan gen hi.
1. Matthai 4:8-11 Setan in bangteng in honk hem mahleh Jesu mah “Biak” ding. Biak dingdante: honest worship (lungtang taktak a biakna), corporate worship (biakkhawmna), expressive worship (dai dendun lou ding).
2. Daniel mah bang a Pathian hon koihna mun thei a, Pathian’ purpose mah sem ding in. Hih dingte hih a, hih lou ding kichite hihlou ding in.
3. Samson bang a talent zangkhial mailou ding in. Eimah comfort zone a om mailou a Pathian deihdan zui ding in.
Tuazoh in “Jesus you’re my Superhero” cih la kisa a, Upa Damsawmthang in vualzawlna gen in hun kizou hi.
Recorded by
Thuamsiam Ngaihte
