Kum Thak 2014 Thupuak
By- Upa Damsomthang
1. Amasa in, Kum 2013 hon pikai a 2014 hon musak Tungnungpen Pathian kiangah kipahthu genin Amah thupina teng teng i pia hi.
2. Toupa misiangthoute tuni a Amah bia dinga hong paite Jesu Christ min in itna chibai ka hon buk hi.
3. Toupa' misiangthoute'n i Pa uh Pathian, Kha lungsim leh hinna toh na itna uh leh Amah na itna thilpiakte uleh biakpiakna te uh Aman hon zatsakin kumlui-2013 sungin muhtheih in hon lohchingsaka, tua ziakin Amah thupina pia in i khusak hi.
a. salam ah muhtheih in i tuizat, fencing wall, leh cooler (fridge) te hon pia a Thupina Amah i pia hi.
b. khalam ah Nungzuihna Camp, seminar leh choral singing competition te ah a hon lamkaih in A hon lohcingsaka thupina leh pahtawina i Pathian kiangah i pia uhi.
4. Kum thak 2014 ah Toupa misiangthoute'n khawvel hoihna mu in salam leh khalam ah Toupa'n hon ompih henla, Zion akipan Toupa'n hon vualzawl henla; chidam-ludam a kum 2014 zangthei in, tu-leh-tate mu dingin Toupa'n hon chidamsak henla, Toupa misiangthoute kiangah lemna leh muanna kum 2014 sung peuhmah hongtungta hen aw, Amen.
