Latest News

Do’s and Dont’s for Freshers - 2012

Siamsin dia Delhi a hongpai na hihleh :-

Do’s

  1. Laisim first priority piak a kuhkal tak a sim ding.
  2. Zingthou baih inla, na college kuanma in breakfast hoihtak in ne in.
  3. Namdang toh siamsin khawm ding na hih na ah Vaipau leh English naaltak in pau theih sawm  in.
  4. Nu-leh-pa te’n na tung a lam etna sangtak nei ahi ua, na lungkiak hun in leng pang teitei in.
  5. Laisim di hun roster hoihtak in bawl inla, zui gige in. Na laisim hunsung  bangmah kisu buai sak ken.
  6. Class attend, assignment bawl leh na laizilna toh kisai peuhmah a hunhun in zoh sawm in.

Don’ts

  1. Thoh hak louh diing.
  2. Class bunk louh ding.
  3. Junk food te mawk neek ching ken, damtheih na man a tam ziak in.
  4. Na nu-leh-pa’n haksa pi a Delhi hon omsak uh ahihziak in, na omna san mangngilh ngei ken.
  5. Nopsak pah ut ken, maban saupi neilai nahi chih phawk gige in.
  6. Delhi a laisim dia na om hampha kisa inla a, na hih theih tawp suah in.

Nasemte Do’s

Nasem dia hongpai na hihleh :-

  1. Private company a sepna zong ding na hihleh (bio data, resumé) chihte  kichian leh feltak bawl in. Interview na kuanma in na interview na ding mun leh mual kitel tak in theih sawm in.
  2. Nasepna ah na tuitum na’ng in na tung a te’ maipha zondan siam in.
  3. Na seppih teng pawl thei vek inla, huai lak ah lawmhoih nih beek neihsawm in.

Nasemte Don’ts

  1. News a job advertisement na muhte mawk gintak pah kenla, ana semsa na theih omleh dongchiang masa in, scam company tampi om ziak in.
  2. Na office hour hun lap gige inla, zekai  tak a tun chiing ken.

Social context lam point dite:-

Do’s

  1. Kicheidan ah pilvang mahmah ni. Decent leh respect theih dia ki dress up ding, numei hin pasal hileh.
  2. Na omna veng a area fellowship/prayer cell ah tel zel in, hiai in na lungkiat hun in thathak hon pe ding hi.
  3. Saptuam leh khotang vai ah  a tam theilam kihel sawm in .

Dont’s

  1. Na khohei leh gamtat ah pilvang in. Innluahna ah thawm ngaihlua, visitor hauhluat inn neite’n hon ningthei ahi.
  2. Namdang gam a teng na hihlam phawk inla, ahi theitan in buaina pumpelh teitei in.

Exam peding te a dia theihtuak:

Do’s

  1. Na exam piak toh kisai a poimoh theihtuak/knowledge a tamtheipen, hun tom theipen sung in kaihkhawm sawm in.
  2. Newspaper & magazine regular tak in la inla, sim gige in.
  3. Sepna petu Pathian himahleh, na hun leh sum zatdan ah A hon piak baih leh piak hak kinga mahmah ding hi.
  4. Nang  exam bang pia midangte theihsawm inla, lawm in nei in.
  5. Ki prepare dingdan, coaching centres, study materials toh kisai ah buaina na tuak tham ding, na theihlouh peuhmah, ana omsa leh nang sang a experience zawte dong teitei in.
  6. Quiet time with God nei zel in, hiai in na laisim na hon mavang sak tuan mahmah ding.
  7. Na exam piak dite priotize dan siam in, na exam piak ding zil in.

Don’ts

  1. Na hun zatbeisate lakik thei nawnlou na hi chih phawk inla, amawkna in zang hetken. Zingchiang a sim pan di, kipan taktak di chi in siit ngei ken.
  2. Consistent tak a laisim gige kisin in.
  3. Nang deih hun a na lohchin pahkei leh lungkiat diing hilou.  Effort na piak nakleh tua na effort te vuaksuak sakdia Pathian lepchiah hilou ahi.
  4. Na damtheihna nelsiah hetken, lungsim exercise a poimoh zahzah in taksa inleng physical exercise poimoh ahi chih phawkin.
  5. Laisim chih ziak in na  Pathian biak ding leh veng fellowship, tuailai activities ah kihel  ding taisan tuanken. Tuabang a kihelte mah lohching hizaw uhi.

Delhi tualpi a hon omsak a, na lunggulh bangbang sin leh semthei dia hamphatna hon pia na Pathian a masa pen in koih gige inla, mangngilh ngeiken.

Freshers tengteng a thak in konna vaidawn uhi.

Plot No 16, Pocket 6, Dwarka Sector 1A, New Delhi - 110 045
Phone: +91-9862741044 / 87309 91331 | Email: pastor@ebccdelhi.org